BURELA .- O persoal de Obras e Servizos do Concello de Burela traballa para limpar o lodo e as árbores que chegaron a algunhas rúas despois do desbordamento do río dos Matos. O alcalde asegura que a situación váise normalizando pouco a pouco tras as intensas chuvias da fin de semana.
Alfredo Llano contou que “as chuvias da pasada fin de semana ocasionaron unha acumulación de auga de tal magnitude que o río dos Matos arrastrou árbores, lodos, ramas… creou pequenos encoros que se foron desbordando e foron barrendo todo o que atopaban ao seu paso desde máis aló da variante cara o Monte Castelo ata ir parar á rúa dos colexios. Alí enfrente da gardería estaba intransitable pola cantidade de lodos acumulados e que estamos a retirar, tamén a rúa Mestre Don Camilo resultou afectada por eses lodos e ademáis chegou tamén unha grande cantidade de auga ao lado da vía do tren máis ou menos á altura da saída de Burela onde se están a realizar as obras de acceso ao porto. Chegou a acumularse tal cantidade de auga que se viu paralizado o servizo de tren ata que xa se puido recuperar”.
O rexedor explicou que “estamos con máquinas tentando sacar os árbores e as ramas que se acumularon neste río dos Matos, que habitualmente baixa case sen auga e aparentemente é totalmente inofensivo. Nesta ocasión chegou a desbordar de tal xeito que parece imposible que a cantidade de auga que caeu producira o que produciu. Agora mesmo segue a traballar o persoal de Obras e Servizos do Concello para tentar de limpar todo canto antes”.
Llano engadiu que “chegaron cantidade de ramas e de lodos ao encoro de Rúa que revolveu toda a auga alí almacenada. Eso provocou que a auga chegase moi sucia á ETAP de Burela e case houbo que parar de surtir os depósitos. Fóise clarexando pouco a pouco a un ritmo moi baixo e incluso chegou algo turbia ás vivendas, ainda que eso non quere decir que non fose potable. Agora todo está prácticamente normalizado, salvo algunha zona ou algún momento puntual. De todos os xeitos hai que lembrarlle á poboación que en casos coma éste é mellor que se racionalice o consumo para que os depósitos se vaian recuperando e así poder contar sempre con auga potable”.
O alcalde destacou que “afortunadamente non houbo que lamentar desgracias persoais nin cuantiosos danos materiais”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
