LUGO .- O pleno da Deputación aprobou o Plan Estratéxico de Subvencións para potenciar a economía e aumentar a cooperación cos concellos. Tamén unha proposta presentada polo equipo de goberno para instar á Xunta de Galicia a apoiar un proxecto de futuro para a planta de Pascual en Outeiro de Rei. Ambas iniciativas contaron coa abstención do PP.
Nota de Prensa
2ª iniciativa da Deputación para garantir os postos de traballo de Pascual
– O organismo provincial esixe que a Xunta de Galicia apoie o proxecto das cooperativas para garantir a viabilidade da factoría de Outeiro de Rei
– A Deputación aumenta en 2010 o Plan Estratéxico de Subvencións, dotado con preto de 4 millóns de euros, para impulsar a economía da provincia e a cooperación cos Concellos
A Deputación aprobou, coa abstención do Partido Popular, a proposta presentada polo equipo de Goberno para instar á Xunta de Galicia a apoiar un proxecto de futuro para a planta de Pascual en Outeiro de Rei. A postura defendida polo organismo provincial é o proxecto de base cooperativa para a xestión da planta. O Deputado de Gandería, José María Arias, quen actuou de voceiro do equipo de goberno, subliñou que “a Xunta segue agochada e segue sen facer nada por este sector que xera uns 50.000 postos de traballo en Galicia. Seguen coa mesma política dende hai 20 anos, deixando morrer o campo. É o momento de poñer o diñeiro enriba da mesa”.
Esta é a segunda iniciativa que presenta a Deputación para garantir os postos de traballo da fábrica, xa que no mes de outubro, o Pleno provincial debateu outra proposta que, finalmente, obtivo tamén a abstención do PP, e na que se solicitaba á administración autonómica o apoio necesario a esta alternativa.
En decembro un grupo de 5 pequenas cooperativas encabezadas por Arzuana anunciaban a sinatura dun preacordo de aluguer co Grupo Leite Pascual para a xestión da factoría. Ata ese momento, a opción máis recomendada era a presentada polo grupo Feiraco, xa que integraba 24 cooperativas, entre as que se atopaban as máis importantes de Galicia. Deste xeito, quedaba garantido non só a viabilidade e o futuro da fábrica, senón tamén os postos de traballo cun proxecto que permitiría transformar 500 millóns de litros de leite anuais.
A Deputación tamén lle esixe á Consellería de Medio Rural a que suprima a taxa que quere impoñer ós transportistas de gando pola prestación do servizo de limpeza e desinfección de vehículos para o transporte de gando. O novo imposto entrará en vigo o 1 de febreiro, e oscila entre os 11,87 € para o lavado e desinfección dun vehículo de menos de 4 toneladas e os 25,66 € dun “trailer” de 2 pisos cun remolque de dous pisos.
“Non teñen ningunha iniciativa seria para o campo, iso sí, son moi adiantados na creación desta taxa que vai a repercutir nos propios gandeiros. Se tiveramos outros gobernantes isto non pasaría. Estanse rindo dos agricultores”, apuntou Arias.
Plan Estratéxico de Subvencións
O Pleno provincial, coa abstención do PP, deu o visto e prace ó Plan Estratéxico de Subvencións co que a Deputación pretende potenciar a economía da provincia e aumentar a cooperación cos Concellos. Ascende a preto de 14 millóns de euros. Isto supón un incremento de case 700.000 euros con respecto ó ano pasado, é dicir, un 4,6% máis. Este aumento tradúcese nunha maior colaboración coas entidades locais e nunha maior potenciación da economía, da cultura, do turismo, así como da actividade deportiva e social da provincia.
É o terceiro Plan que aproba o actual equipo de goberno. Esta iniciativa supuxo un antes e un despois na xestión do gasto público que se facía na Deputación, xa que por primeira vez, as subvencións están destinadas a todos os Concellos e de todas a cores políticas, seguindo criterios obxectivos e transparenstes, nos que priman os principios de publicidade, concurrencia, obxectividade e igualdade. A anterior Corporación tiña un Plan a varios anos no que no proceso de concesión das axudas non especificaba a cuantía das mesmas nin a que se destinaban.
O Plan recolle a planificación realizada por todas as áreas de goberno co obxectivo de coordinar e apoiar a cobertura das necesidades que teñen as entidades locais. Entre as liñas de axudas figuran 2,3 millóns de euros para o Plan de Comunidades Veciñais e 800.000 para o de Pequenas Infraestruturas para Concellos de menos de 5.000 habitantes; e 372.000 euros para o fomento de actividades como feiras, desenvolvidas polos municipios e polas Asociacións da provincia. Asimesmo, inclúe por primeira vez unha liña específica, dotada con 300.000 euros, para a promoción e comercialización de produtos autóctonos.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
