LUGO .- A Deputación incrementa en máis dun 20% con respecto o ano pasado o presuposto adicado ó Parque Móbil para 2010 co obxectivo de ampliar os servizos ós Concellos. Deste xeito, o orzamento increméntase uns 600.000 euros, e chega ata ós 3.200.000.
O organismo provincial pon a disposición dos Concellos as máquinas deste departamento para o arranxo das estradas municipais. Trátase dunha iniciativa coa que a Deputación aforra cartos ós Concellos, xa que asume os custes que suporían a contratación deste servizo, e que se enmarca dentro da aposta do organismo provincial pola cooperación máxima cos 67 Concellos da provincia.
Precisamente, este mércores a Vicepresidenta Segunda da Deputación, Lara Méndez, supervisou os traballos que se están a realizar nas vías municipais do Concello de Cervo coas máquinas do Parque Móbil. As actuacións, que comezaban esta mañá e que se prolongarán durante un mes, consisten na limpeza e mantemento das estradas que o requiran. Para elo, o organismo provincial desprazou un equipo composto por 1 motoniveladora, 1 retropala, e 1 camión vasculante.
Da mesma forma, a Deputación conta con outro operativo das mesmas características que tamén se atopa traballando na Mariña, concretamente no Concello de Viveiro.
Dende 2007, a institución provincial triplicou o orzamento do Parque Móbil para adquirir maquinaria que realice traballos de nivelación, refino, apertura e limpeza de cunetas, cortes de ribazos, mantemento de pistas, limpeza de depósitos de cascallos e bordes de terrapléns, nas estradas de titularidade municipal.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
