Foz, 31 de maio de 2018. O alcalde de Foz, Javier Jorge Castiñeira, anuncia este xoves, é un día importante para o Concello porque se debaterán no pleno da corporación os orzamentos municipais para este 2018. O rexedor advirte que se non se aproban non se poderá abrir a residencia de maiores nin facer moitos investimentos programados e significará bloquear o labor do goberno e ir en contra dos intereses de todos os focenses.
Javier Castiñeira di que “hoxe, xoves, é un día importante porque se debaten os orzamentos municipais deste ano 2018. Hoxe é un día importante porque veremos que concelleiros e que grupos están a favor do progreso de Foz e que concelleiros e que grupos están en contra dos intereses de todos os focenses e están única e exclusivamente pensando nos intereses políticos e electoralistas dos seus partidos e dos seus candidatos”.
O alcalde engade que “hoxe seremos testemuñas de que os que votan en contra dos orzamentos van votar en contra do plan de emprego, onde máis de 20 persoas están esperando para poder traballar tres ou seis meses en diferentes actividades necesarias e que nos axudarán a sacar o verán adiante. Votar en contra dos orzamentos é votar en contra tamén do Plan Verán: varios investimentos en servizos e contratacións para dinamizar o noso verán; en contra das festas, que será imposible facelas todas se non existe partida orzamentaria para elo. Tamén é ir en contra de mellorar os servizos durante o verán, de mellorar a limpeza, de suplementar os servizos de recollida de residuos e demais; e, por suposto, é ir en contra dos intereses dos nosos empresarios e da marca turística de Foz”.
Javier Castiñeira subliña que “votar en contra dos orzamentos é atacar directamente aos intereses do Concello de forma totalmente irresponsable porque significa tirar por terra todo o traballo económico feito durante estes últimos anos e hipotecar o futuro próximo. Supón ademais hipotecar a saída para a residencia de maiores; os que voten en contra son responsables de que non se poida abrir a residencia e de que peche o asilo sen ningunha solución por parte do Concello, como xa o vimos apercibindo durante varios días”.
O rexedor focense advirte que “votar en contra dos orzamentos impide investimentos como na Escola de Música, que están comprometidas coa comisión de seguimento dese centro. Impide tamén cumprir con subvencións solicitadas a outras administracións, como pode ser por exemplo o miradoiro da Frouxeira ou o propio plan Único, onde hai máis de 400.000 euros xa dispostos. Votar en contra dos orzamentos supón non construír a nova canceira, coa que estamos comprometidos coa asociación protectora de animais, e non urbanizar a rúa da Cruz, unha saída importante agora mesmo do pobo que temos avanzada pero para a que hai investimentos comprometidos dentro dos orzamentos”.
Castiñeira asegura tamén que “votar en contra dos orzamentos é votar directamente en contra dos intereses de Foz, igual que se fixo no asunto de Gestagua, o que nos ocasionou perder 1,5 millóns de euros, ou no pago a provedores. Significa literalmente bloquear o labor de goberno e ir en contra dos intereses de todos os focenses, simplemente por intereses políticos e electoralistas. Señores do no, non teñan a tentación de votar en contra dos orzamentos do 2018 porque están directamente votando en contra dos veciños de Foz”.
O Alcalde de Foz advirte que se non se aproban os orzamentos municipais non se poderá abrir a residencia de maiores nin contratar persoal para o verán
Relacionado
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
