Ribadeo, 8 de xuño de 2018. O Partido Popular de Ribadeo critica ao goberno local porque debido ao rebentón que houbo días pasados na rúa Paco Lanza, que estaba recentemente remodelada, destapouse que a tubaxe para o abastecemento de auga que pasa por esa zona é de fibrocemento, material que está prohibido. O portavoz dos populares no Concello de Ribadeo, Jesús López Penabad, engade que é unha prioridade retirar todas as tubaxes de fibrocemento que hai no municipio por saúde e para previr roturas.
Jesús López relata que “o fin de semana pasado houbo un rebentón en Ribadeo, concretamente a carón do instituto de Secundaria e preto da nova residencia de maiores, na rúa Paco Lanza. E preguntamos se cando se fan obras é para adecentar a parte de arriba nada máis e non se cambian as tubaxes, porque aí parece ser que existe unha tubaxe de fibrocemento, potencialmente canceríxena polo que está prohibida desde hai anos. Estoupou dunha maneira bastante brusca e con perigo incluso para os muros que hai alí preto e se colle unha edificación non creo que lle fixera nada ben”.
López Penabad engade: “cando se fan as obras realmente se actúa no soterrado ou só no superficial para lavar a cara para as eleccións, que é o que están facendo ultimamente porque son dentro dun ano? Parécenos ata perigoso. Se aínda quedan moitas tubaxes da auga de fibrocemento en Ribadeo eu creo que é unha prioridade cambialas. Os investimentos teñen que ir por prioridades e por grandes necesidades e eu creo que esta é unha delas, retirar toda a tubaxe que hai en Ribadeo de fibrocemento, por saúde e por prevención de futuras roturas, porque teñen a súa idade e é polo que estoupan. Aí estiveron facendo obras e foi o que propiciou esta rotura, pero non substituír as tubasxes de fibrocemento non nos parece unha forma de actuar nin responsable nin boa”.
O voceiro do PP ribadense manifestou tamén: “espero que na rúa San Roque, que estamos en obras actualmente, se cambien todas as tubaxes. Non dubido que o estean facendo, pero así debe ser, ademais de facer os planos pertinentes por se hai que levantar ou mirar algo saber onde está. O que pasou este pasado fin de semana na rúa Paco Lanza deixa bastante que desexar. Pedimos que se actúe nas zonas onde existe este tipo de tubaxe, que é un grave perigo para Ribadeo e para os ribadenses”.
O PP de Ribadeo critica ao goberno local por manter tubaxes de fibrocemento para o abastecemento de auga en rúas que se remodelan, como na Paco Lanza
Relacionado
-
O PPdeG destaca as iniciativas de emprendemento desde o rural galego que poñen en valor o territorio
-
O PSdeG reclama ao alcalde de Abadín actuacións urxentes no campo de fútbol municipal
-
O BNG demanda a Rueda explicacións sobre “o incumprimento inaceptable” do prazo para limpar as faixas secundarias nos concellos de menos de 10.000 habitantes
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
