Burela 9-6-18. As Guerreiras Laranxas demostraron nunha semifinal de película que son capaces de todo. As pupilas de Julio Delgado e Lucas conseguiron remontar un 2-0 en contra fronte ao campión de liga, Jimbee Roldán, igualar a contenda e forzar a prórroga para acabar con 2-3 e gañar o billete para a gran final da Copa de España en Cádiz. Mañá,ás 11.00 horas, o Pescados Rubén Burela FS pelexará polo título fronte a Atlético de Navalcarnero, tras impoñerse a UA Alicante (6-1) na primeira semifinal. A cita poderá seguirse a través de Onda Cádiz Televisión e Televisión de Galicia.
As laranxas tiveron que remar contra o tanto de Consu, xa no minuto 4, en contragolpe. Con máis de once minutos para o ecuador da cita o Roldán cargouse coas cinco faltas e o Burela foi medrando en perigo aínda que sen éxito. Tras o descanso, o Jimbee conseguiu ampliar a fenda de novo con Consu, á contra, nun disparo cruzado. Reaccionaron as galegas con xogo de cinco abandeirado por Bea Mateos. Case sorprendeu Lara, pero a capitá e Dany foron as encargadas da remontada, en tan só 1 minuto (33 e 34). Tai tivo o terceiro das burelistas no 36 co pau como obstáculo e Bea Mateos forzou a prórroga no 39, sacando baixo paus. Dany, no minuto 44, outorgoulle a praza de finalista ao Pescados Rubén.
Sara Correia, trasladada ao hospital
A nota negativa da semifinal para as laranxas foi a retirada da pista de Sara Correia (minuto 30), que tivo ser trasladada ao hospital por molestias nun nocello. Antes a xogadora do Roldán Mariángeles tamén se viu obrigada a saír do terreo de xogo, por lesión.
Ficha técnica
Jimbee Roldán FSF: Etayo, Vanessa, Mayte Mateo, Consu, Ángela, cinco inicial; tamén xogaron Miriam, Clara, Alba, Mariángeles, Inma Sojo
Pescados Rubén Burela FS: Ana Romero, Dany, Cilene, Cami, Bea Mateos, cinco inicial; tamén xogaron Jenny, Sara Correia, Tai, Julia Forsiuk, Jozi, Lara
Goles: 1-0, minuto 4, Consu; 2-0, minuto 31; 2-1, minuto 33, Bea Mateos; 2-2, minuto 34, Dany; 2-3, minuto 44, Dany
Árbitros: Costa Sánchez // Pena Gómez (Colexio Andaluz) Por Roldán amarela para Vanessa e Mayte Mateo. Por Burela amarela para Dany
Incidencias: Partido correspondente semifinais de final de Copa de España Cádiz 2018 disputado en Complexo Deportivo Cidade de Cádiz.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
