Xove 6-7-18. O programa de verán foi presentado este venres polo Alcalde Demetrio Salgueiro e as concelleiras de Xuventude e Deporte e Servizos Sociais, Cristina Iglesias e Ana Abad respectivamente.
Trátase na súa maioría de actividades deportivas. É un programa moi amplo, que será complementado con outro programa (“Verán Xove2018”) que xa está en marcha.
As actividades que se van desenvolver en OCIO ALTERNATIVO, son:
– FÚTBOL-SALA 3×3: 10, 11 e 12 de xullo, a partir das 22:00 no pavillón de deportes.
– BALONCESTO: 17 de xullo, a partir das 22:00 no pavillón de deportes.
– NOITE DA ORIENTACIÓN: 18 de xullo a partir das 22:00, na praza do Concello.
– RUTA NOCTURNA EN KAIAKS: 19 de xullo a partir das 22:00, Portiño de Morás
– FÚTBOL-PRAIA 3X3: 23, 24, 26 DE XULLO, a partir das 16:30, na praia de Lago.
– VOLEI PRAIA: 31 de xullo, 1 e 2 de agosto, a partir das 16:30, na praia de Lago.
– BOLOS: 7 e 8 de Xullo, día 7 federados, día 8 non federados, a partir das 22:00, Centro Social de Vilachá. Haberá chocolatada gratuita para todos os participantes. Organiza: Asociación de Festexos a Medorra
– PASEO TURÍSTICO EN BICIS ELÉCTRICAS: 21 de xullo e 4 de agosto en horario de mañá. Inscrición previa na Oficina de Turismo.
Poderán participar no mesmo persoas con idades a partir de 8 anos (categorías: infantís e adultos). A inscrición haberá que facela no lugar de realización da actividade media hora antes do comezo da mesma (agás Paseo Turístico en bicis eléctricas). É totalmente libre e gratuita. Para máis información, haberá que chamar ao tfno: 636504155.
A Organización corre a cargo do Concello de Xove, a través das Concellerías de Xuventude e Deporte, e tamén da empresa IG 10 e a Asociación de Festexos a Medorra de Portocelo; esta última vaise encargar dos tradicionais xogos de bolos.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
