Lugo, 07 de xullo de 2018. O Presidente, Darío Campos Conde, acompañado do Alcalde da Pastoriza, Primitivo Iglesias Sierra, adiantou un novo investimento do Executivo Provincial de 210.000 euros para mellorar máis de 7 quilómetros de dúas estradas provinciais, das que se beneficiarán uns 4.000 veciños dos Concellos da Pastoriza e Riotorto. As melloras serán na LU-P-1106, de Castro de Rei, por Reigosa, á estrada de Bretoña a Lindin; e a LU-P-4402, da estradas de Paraxes a Lourenzá, por Bretoña, a Muiñonovo.
Campos Conde destacou que “a través destas melloras que financiamos dende o Goberno da Deputación, buscamos mellorar as comunicacións das que dispoñen os nosos veciños, especialmente os do rural, e dentro da nosa clara defensa da igualdade de oportunidades vivas onde vivas”. O Presidente lembrou que o Goberno converteu a Deputación no motor económico e social da provincia, “pois somos a única administración que fai obras en todos e cada un dos nosos municipios, colaborando de xeito igualitario e distribuíndo fondos en base a criterios totalmente obxectivo pois os cartos públicos son de todos os veciños”.
Iglesias Sierra, agradeceu á Deputación “o esforzo realizado ano tras ano polo Goberno Provincial para que o noso Concello teña unhas boas infraestruturas que permitan a unha rexión de interior, rural e cunha poboación dispersa, manter activa a súa vida e economía. Un esforzo vital xa que a Deputación de Lugo é a única administración que se preocupa de que as estradas do noso Concello reciban, dentro das limitacións, os mellores arranxos posíbeis.”
Os traballos nestas dúas estradas, que beneficiarán aos máis de 4.000 veciños do Concello da Pastoriza e Riotorto, consistirán na limpeza de cunetas, o acondicionamento do firme con aglomerado quente e a revisión e mellora da sinalización vertical e o repintado. As estradas sobre as que o Executivo Provincial actuará son as seguintes:
-LU-P-1106, que vai de Castro de Rei a Bretoña, pola parroquia de Reigosa: mellora de 4 quilómetros, entre os puntos quilométricos 13 e 19,6. Trátase dunha vía fundamental, debido a que conecta algunha das parroquias máis importantes do concello como son as de Bretoña, Reigosa, Úbeda, Vián e o Lugar de Xemil.
-LU-P-4402 de Paraxes a Lourenzá por Bretoña a Muiñonovo: mellora de 3,8 quilómetros, entre os puntos quilométricos 3,4 e 7,3, o que supón a mellora dunha estrada que conecta os Concellos de Pastoriza e Riotorto, dandolle servizo a todo o Concello ao ser a vía que une e serve de nexo de relación entre este Concello e o veciño de Riotorto, co cal moitos dos veciños teñen fortes vínculos e relación e empregan esta estrada acotío para desprazarse entre ambos os dous. A Deputación actuará tamén nesta mesma estrada na parte pertencente ao Concello de Riotorto
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
