Mañón 17-7-18. Nordés, a asociación polo desenvolvemento das Terras da Faladora segue a organizar actividades para cumprir cos seus obxectivos, entre os que se atopan o de dar a coñecer o patrimonio artístico, arqueolóxico e histórico dos concellos da bisbarra.
No Concello de Mañón aínda quedan tesouros dos que falar e segredos que achar. Un deles é a arte que se agocha nas súas parroquias, expresións que configuran un patrimonio que debemos protexer e divulgar. Por iso, o sábado 21 de xullo, Nordés ofrece un roteiro, dende Bares ata as Grañas do Sor, guiado por expertos e coñecedores do seu que achega os puntos máis significativos da arte sacra da zona ao saber común. E que tamén tira dun fío común: a importancia dunhas boas prácticas e actuacións sobre o noso patrimonio.
Da man de Bernardo Penabade (filólogo), Clotilde Lemoine (Graduada en Conservación e Restauración pola UPV), F. Javier Martínez (Arcipreste do Ortegal e párroco de Santa María de Ortigueira), Cristóbal Rivas (párroco do Concello de Mañón e do Vicedo) e veciñas e veciños achegarémonos, primeiro, á parroquia de Santa María de Vares (10.00h.). Alí, falarannos da intervención sobre o retablo do século XV presente na igrexa. Dende alí, cara as 11.30h., a seguinte parada é Santa María de Mañón onde contemplaremos exemplos da pintura mural galega dos século XV-XVI e onde o visitante será testemuña do preciso que é preservar exemplos únicos en Galicia.
Para acabar, cara as 13.00h., remataremos o roteiro na parroquia das Grañas do Sor, onde se levou a cabo unha restauración da igrexa e dos seus arredores propulsada polas veciñas e polos veciños do lugar.
O punto de quedada para o inicio do roteiro en coches é ás 09:30h. no Restaurante “A Goleta”, no Barqueiro (Concello de Mañón). Dende este lugar, iniciaremos a marcha en coches. Se o preferides tamén podedes agardar, no horario que está marcado no cartel, en calquera punto do roteiro.
Para acabar a mañá, e por si vos interesa intercambiar impresións da xornada, cara as 14:30h. xantaremos en “Casa Urbano” (Mañón). As prazas son limitadas e é preciso reservar e confirmar no teléfono 653756454 ou no e-mail asociacion.nordes@gmail.com. O prezo é de 15€ para socias e socios e de 18€ para non soci@s.
ÚLTIMA HORA
- A conselleira subliña en Meira que a rede de oficinas rurais é “fundamental para quen vive e traballa no rural”
- O Concello de Lourenzá organiza unha charla e unha merenda solidaria polo Día do Cancro de Mama
- O PSdeG de Abadín denuncia que goberno local incumpre as bases do Plan Deputación ao non instalar os carteis obrigatorios nas obras financiadas
- O Concello de Cervo incorpora o servizo “Xantar na Casa” á súa rede de apoio social
- Evacuadas doce persoas dun tren detido no interior dun túnel debido a unha chapa na vía en Mañón
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi. - Dúas alumnas do IES de Foz, Marta Chao e Kiara Cabado, de segundo curso do Ciclo Medio de Cociña, participarán a vindeira semana no 25 Campionato Mundial de Pizza Picante en Calabria (Italia)
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa. - Mondoñedo celebrará o sábado 17 de outubro unha homenaxe a Xosé Vizoso no Auditorio Municipal Pascual Veiga
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo. - Persoa afectada por un raio en Xermade
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti. - Do 16 de outubro ao 15 de novembro, Mondoñedo acolle Gardiáns, o proxecto do fotógrafo lucense Jorge Arévalo que ofrece unha mirada íntima ás nosas razas autóctonas e á profunda conexión entre as persoas e os animais na nosa terra
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas. - Xurxo Souto volveu enchoupar Ribadeo coa súa enerxía creativa nun encontro celebrado este venres polas rúas da vila e na Biblioteca Municipal El Viejo Pancho, organizado pola A.C. Francisco Lanza
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural. - Máis de vinte representantes dos GALP galegos participaron entre o 28 de setembro e o 2 de outubro nunha visita de estudo ao País Vasco para coñecer experiencias de relevo xeracional, formación e innovación no sector marítimo‑pesqueiro
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
2021 Crónica 3 A Mariña - Implementado por GaliciaDigital