Ribadeo, 18 de xullo de 2018. O Concello comezou hoxe os traballos de asfaltado e rebacheo en varias estradas locais. Estas obras estaban paralizadas desde hai seis meses por mor da mala climatoloxía. O alcalde en funcións, Vicente Castro, agarda que as obras rematen no prazo duns quince días.
O rexedor anunciou que “comezaron os asfaltados e rebacheos que estaban paralizados dende hai seis meses, por mor das choivas permanentes que tivemos, e que hoxe se realizaron nas estradas da costa”.
Castro engadiu: “contamos que nun período de quince días queden cubertas todas as fochancas da costa e do interior. En breves datas tamén se iniciarán outras labores de asfaltado, pero xa con aglomerado asfáltico, en distintos núcleos do concello de Ribadeo”.
Senda do Cantábrico
O alcalde en funcións tamén se referiu hoxe ao mal estado no que se atopa a Senda do Cantábrico, competencia da Xunta de Galicia: “estes días sairon á luz uns comunicados do PP con inquietude sobre o estado do paseo das Aceas, o cal me parece normal e natural dado o estado que presentaba. Pero tamén me gustaría que a xente do PP tivera a mesma sensibilidade e preocupación por outros lugares, que lle corresponde manter á Xunta, como é o caso da Senda do Cantábrico ao seu paso por Piñeira, A Devesa e Rinlo”.
Vicente Castro lembrou que “en maio, concretamente o día 14, se lle remitiu un escrito á Xunta solicitando o mantemento e limpeza desa senda ao que fixeron caso omiso. Repetíuselle o escrito e o recordatorio o 11 de xuño, que seguía na mesma situación, e o 27 de xuño volvéuselle a remitir. A data de hoxe seguimos sen que esta senda estea limpa, unha senda que ten moito movemento nesta época e que nos gustaría que tamén os do PP se preocupara un pouco porque a Xunta levara a cabo este mantemento e esta limpeza”.
O Concello de Ribadeo comezou hoxe as obras de asfaltado e rebacheo en varias estradas locais
Relacionado
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
