CERVO .- Técnicos do servizo de Obras do Concello de Cervo estudarán as propostas aportadas por veciños da Senra ao proxecto que ten previsto acometer Augas de Galicia para dotar dunha rede de sumidoiros a este núcleo de poboación do rural de cervense.
Nota de Prensa
OPERARIOS MUNICIPAIS ESTUDAN HOXE SOBRE O TERREO AS SUXESTIÓNS EXPOSTAS POLOS VECIÑOS AO PROXECTO DO SANEAMENTO DA SENRA
* Mañá, e unha vez estudadas as suxestións veciñais, está previsto que veciños e responsables municipais manteñan unha nova xuntanza para perfilar definitivamente o trazado definitivo por onde transcorrerá esta nova infraestrutura*
Cervo, 3 de febreiro de 2010.- Técnicos do servizo de Obras do Concello de Cervo estudarán hoxe in situ as modificacións e suxestións aportadas onte polos veciños da Senra ao proxecto que ten previsto acometer Augas de Galicia para dotar dunha rede de sumidoiros a este núcleo de poboación do rural de cervense.
Así se acordou onte pola tarde nunha reunión mantida polo alcalde, Alfonso Villares, e os propietarios das fincas por onde está previsto que discorra a devandita rede de canalizacións. Segundo o alcalde, a reunión de onte foi “moi positiva, como non podía ser doutro xeito” e salientou a unanimidade dos asistentes en cualificar o anuncio desta obra como “unha nova que satisfai e beneficia a toda a veciñanza deste burgo” indicou.
Na xuntanza o rexedor expúxolles aos veciños a “urxente necesidade” de que os propietarios de fincas afectadas aceptaran o paso das canalizacións do saneamento polos seus terreos para poder cumprir con tódolos trámites administrativos canto antes e poder por en marcha as obras. “Todos os asistentes amosáronse moi receptivos e dispostos a colaborar e incluso suxeriron leves modificacións do trazado que en ningún modo influirían no montante total da obra e que hoxe temos previsto analizar sobre o terreo para valorar a posibilidade de incluilas no proxecto final” sinalou Villares.
O rexedor tamén adiantou que mañá, ás 16.00 horas “e unha vez estudadas as suxestións veciñais”, veciños e responsables municipais manterán unha nova xuntanza “para perfilar definitivamente sobre o terreo e de xeito consensuado o trazado definitivo por onde transcorrerá esta nova infraestrutura básica para o desenvolvemento deste núcleo de poboación” . Por último, Villares comprometeuse a “seguir loitando” para que o resto das parroquias do rural cervense que aínda non contan con saneamento podan dispor desta infraestrutura “canto antes”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
