Nota de Prensa
O BNG DENUNCIA AS CONSTANTES MODIFICACIÓNS DOS PRAZOS DE REDACCIÓN DO PXOM DE CERVO
Os nacionalistas poñen de manifesto ate catro modificacións nos prazos de tramitación do documento
A última modificación non prevé a aprobación definitiva ate outubro de 2013 que ademais deberá traspoñer as normativas do Plan do Litoral e unha nova modificación da LOUG
Cervo, 3 de febreiro de 2010. O Bloque Nacionalista Galego denunciou os repetidos incumprimentos por parte do goberno local dos prazos inicialmente previstos para a aprobación definitiva do Plan Xeral de Ordenación Municipal de Cervo. Os nacionalistas lembraron que o contrato inicial para a redacción do PXOM foi en maio de 2002, expoñéndose publicamente o avance en maio de 2004 e a partir de aí producíronse ate catro modificacións dos prazos de tramitación, chegando incluso a ter que devolverse axudas da Xunta ao non ter feitos os trámites acordados. Agora a empresa redactora remite con data 28 de decembro diversa documentación para informe previo a aprobación inicial que segundo o último cronograma asinado coa Consellaría de Medio Ambiente, Territorio e Infraestruturas non se prevé ate outubro de 2011. O BNG solicitou a convocatoria dunha comisión informativa sobre o documento e información sobre a incidencia do Plan do Litoral no concello.
O PP non ten ningún interese en acelerar a tramitación do PXOM como demostra o historial de aprazamentos dende 2002.
Na mellor das previsións expostas no último aprazamento da redacción do PXOM concedido pola Xunta de Galiza por resolución de 1 de outubro de 2009, o documento non será aprobado definitivamente ate outubro de 2013. Os nacionalistas cervenses dubidan da vontade do PP de que este prazo se cumpra tendo en conta a parálise intencionada do 2004 que pode volver a repetirse, ademais as sucesivas modificacións da lexislación marco, a necesidade de adaptación ao Plan do Litoral, ou a nova modificación da lei do solo que prevé o goberno galego non albisca o cumprimento dos prazos previstos na última prórroga.
Sucesivos aprazamentos dun documento fundamental que de ser tramitado a tempo impediría moitas das controversias urbanísticas dos últimos anos.
O BNG acusou ao Partido Popular no goberno municipal de ser o auténtico responsábel dos retrasos na súa tramitación. O portavoz municipal, Xoán Estúa, lembrou que moitas das polémicas abertas en Cervo en materia urbanística derivan da inexistencia do instrumento de planeamento , e puxo dous exemplos, hai unha promotora que debe ao concello 1,3 millóns de euros que non vai pagar e hai outra que construíu sobre un castro coa complicidade do goberno local que mirou cara outro lado a pesar de coñecer a reserva no avance do novo PXOM dese solo por conter restos arqueolóxicos”. Estúa continuou indicando que dende o inicio da redacción do documento en 2002, en Cervo fixéronse múltiples estudos de detalle e modificacións puntuais das Normas Subsidiarias de Planeamento, porqué a normativa actual do ano 1978 non aguanta mais, “o goberno local está empeñado en seguir remendando un traxe vello que non da mais de si, no lugar de mercar un novo.”
A empresa redactora agora fai chegar documentación para informe previo que os nacionalistas queren coñecer.
A entrega o pasado 28 de decembro de documentación para informe previo a aprobación inicial e o primeiro documento do novo planeamento que chega ao concello dende o ano 2004, cando se expuxo ao público o avance. Os nacionalistas reclamaron a convocatoria dunha xunta de portavoces coa presenza de redactores e técnico municipal de urbanismo para que expliquen o contido da documentación, previsións para a súa aprobación inicial e efectos que pode ter sobre el a súa adaptación ao Plano do Litoral e a prevista terceira modificación da Lei do Solo.
A inexistencia dun PXOM aprobado e a incidencia do Plan do Litoral pode ser un mazazo para o desenvolvemento urbanístico en San Cibrao.
Aos nacionalistas preocúpanlles os retrasos na tramitación do PXOM que ademais agora deberá contemplar a normativa do Plan do Litoral que xa está nas dependencias municipais. Estúa reclamou a convocatoria dunha reunión informativa sobre o documentación remitida que debe contar coa presenza dos redactores. Ademais xa está solicitada unha copia coa do Plan do Litoral e a constitución dunha comisión non permanente para o seu estudo e alegacións. O nacionalista advertiu que Cervo pode ser o concello da Mariña mais afectado pola nova norma xa que segundo os primeiros datos coñecidos amplas zonas que ate agora eran urbanizábeis perderán esa condición, impedindo calquera desenvolvemento residencial.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
