Ribadeo, 31 de xullo de 2018. O portavoz do Partido Popular no Concello de Ribadeo, Jesús López Penabad, anuncia que este xoves empezarán as obras para mellorar a estrada Reme-Vilamar. Son 11,5 quilómetros nos municipios de Ribadeo e Barreiros e a obra conta cun investimento de preto de 1 millón de euros da Xunta de Galicia. Penabad tamén explica que a administración autonómica financiou as actuacións musicais que houbo nas festas do Carme ribadenses celebradas a pasada fin de semana.
O voceiro dos populares ribadenses explicou que “este xoves, día 2 de agosto, estarán as máquinas traballando na estrada Reme-Vilamar, que é titularidade da Xunta de Galicia e quedara de facer esta obra. Amañarán once quilómetros e medio aproximadamente en Barreiros e Ribadeo. Había moita necesidade de arranxar esa estrada e faise cun investimento de case 1 millón de euros”.
López Penabad sinala que “isto vai en contraposición do que di o alcalde todos os días, que a Xunta non inviste en Ribadeo. Este é un exemplo máis e é unha obra de importancia para todo o interior de Ribadeo e na que a Xunta de Galicia está investindo. O alcalde criticábanos o outro día porque falábamos por falar. Nosoutros como oposición cando falamos e porque previamente os veciños se poñen en contacto con nosoutros e nos denuncian algunha situación. Se el non o cre así é porque cada vez está más distante dos ribadenses. Non sei se será porque cando chegou das vacacións non lle gustou o que denunciamos”.
O portavoz do PP no Concello de Ribadeo sinala tamén que “no tema do mercado semanal do 25 de xullo houbo malestar porque o verán dura pouco e este ano climatoloxicamente é malo e prohibiu, porque iso foi o que fixo, que se celebrara o mercado e obrigou a pechar a todo o comercio. Saben o que teñen que facer, son autónomos, polo tanto o que pedimos é liberdade, que cada un que poida facer o que considere oportuno. A xente ten necesidade de descanso, por suposto, pero eles deben poder decidir se abren ou non, e non por unha imposición do Concello de Ribadeo”.
Jesús López Penabad engade que “no tema de saneamento e abastecemento de auga, levan quince anos gobernando, catro en bipartito e once en solitario, preguntámonos que fixeron para mellorar o alcantarillado e a traída de auga, que tan mal está e tan necesitada está de arranxar. Eu na miña casa cando teño algo que amañar terei que facelo eu. Polo tanto no tema de saneamento e alcantarillado botamos moito en falta o seu compromiso e a falta de traballo, porque non fixo absolutamente nada. Tamén fala da limpeza da estrada da Costa e cos anos que leva gobernando debería saber quen é o titular desa estrada, pero non é a Xunta de Galicia”.
O voceiro popular explica: “seguiremos facendo oposición, dando a coñecer as demandas que nos fan os veciños. Ademais teño que destacar o traballo do meu compañeiro e deputado Daniel Vega e á vez quero agradecer á comisión de festas do Carme o traballo que fixeron para poder sacalas adiante, porque a Xunta de Galicia financiou a actuación do grupo que tocou o sábado, Son do Sil, e tamén o monolito e os gaiteiros. Polo tanto aí está o compromiso da Xunta e noso con Ribadeo e coas festas. Como iso podería dicir outras moitas cousas. Por exemplo respecto aos desbroces e a Xunta apórtalle ao Concello de Ribadeo dous tractores con dúas desbrozadoras, máis outro que lle aportou antes. Eu non estou aquí para recordar o que aporta a Xunta, pero véxome na obrigación cando o alcalde critica que a Xunta non dá de poñer en valor as cousas que fai e que son palpables polos veciños”.
López Penabad dille ao alcalde que “se achegue un pouco máis aos veciños e que mire as demandas e necesidades. Ata hoxe estaba sen limpar Santa Cruz, daba pena, estamos a 31 de xullo e ter aquel miradoiro de Ribadeo na situación que estaba era lamentable. Hoxe, como está aí a Xira, por fin limpouse, pero tamén houbo moitísimas queixas. Hai infinidade de cousas que non ven e nosoutros seguiremos denunciando; e non é falar por falar, é a realidade de Ribadeo”.
O PP de Ribadeo anuncia o comezo das obras da estrada Reme-Vilamar este xoves. O investimento é de case un millón de euros aportado pola Xunta, que tamén financiou as actuacións musicais das festas do Carme ribadenses
-
Anterior
Ribadeo modificará a ordenanza fiscal que regula a ocupación de espazos públicos. Estarán exentas de pagar esa taxa aquelas entidades ou asociacións sen ánimo de lucro que non busquen beneficio económico ou que a cantidade que poidan obter non sexa relevante en relación co custo da actividade organizada
Relacionado
-
O PPdeG urxe ao Goberno central medidas de vixilancia permanente ante as interaccións de candorcas con embarcacións no litoral galego
-
A Deputación reforza a cooperación cos concellos e impulsa o tecido empresarial cun investimento de máis de 390.000€
-
O Concello de Xove consolídase como referente en cardioprotección coa adquisición de tres desfibriladores automáticos
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
