Lugo, 31 de xullo de 2018.- O Secretario Xeral do PSOE na Provincia de Lugo, Álvaro Santos Ramos, mantivo a semana pasada unha reunión de traballo con compañeiros no Ministerio de Fomento para abordar a detallada radiografía sobre o conxunto de estradas estatais na provincia que hai meses elaboraron os socialistas, defendendo a súa necesaria mellora ante a situación na que se atopan, pois o anterior Goberno Central do PP non executou durante anos nin tan sequera os traballos de conservación nas mesmas.
Os socialistas no Ministerio de Fomento confirmaron que o anterior Executivo do Estado do Partido Popular deixou totalmente atascados os poucos asuntos que deixou neste departamento e que afectan á provincia. Por este motivo, o PSOE está agora a destacar, resolver e axilizar os mesmos dentro dun marxe orzamentario practicamente esgotado e sen folgura orzamentaria.
Con todo, o traballo do PSOE comeza a dar os seus primeiros froitos, pois está previsto adxudicar en setembro obras de mellora en 20 quilómetros da N-642 con 2,9 millóns de euros e poder iniciar a execución das mesmas unha vez formalizado o contrato, nun prazo de entre 1 e 2 meses. Estes traballos levaranse a cabo nos treitos comprendidos entre os puntos quilométricos 26+950 e 28+800 e 36+500 e 55+000.
Os socialistas están ademais a redactar o proxecto de rehabilitación dos 30 quilómetros restantes da N-642 para mellorala integramente, pois conta cun total de 50 quilómetros. Este proxecto inclúe os treitos bacheados ao abeiro das “obras de urxencia” que finalmente decidiu iniciar o anterior Goberno Central do PP tras as múltiples reclamacións veciñais e do Partido Socialista dende todas as institucións para o arranxo desta estrada que vertebra a Mariña lucense.
Santos Ramos destacou que “o PSOE, como partido que representa aos veciños e polo tanto defende sempre os seus intereses, mantén as súas reclamacións, estando no Goberno ou na oposición. As necesidades dos lucenses seguen a ser as mesmas. Por este motivo, abordamos cos compañeiros de Fomento o estado das infraestruturas
estatais despois de anos nos que o PP no Executivo Central nin tan sequera executou os traballos de conservación nas mesmas”.
“Somos conscientes das limitacións orzamentarias, do mísero presuposto do Estado que o PP deixou para a nosa provincia e da complicada composición do Congreso. Pero contamos cun Goberno Central do PSOE comprometido cos lucenses e coa provincia, que está a traballar para desbloquear e axilizar os poucos proxectos presupostados para a nosa provincia e que nunca se levaron a cabo, pois o PP nada fixo”.
“As obras que se executarán na N-642 é o primeiro resultado deste traballo, que agardamos que dea moitos máis froitos, pois esta provincia e todos os lucenses o necesitamos”.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
