Burela 17-8-18. Para Luis Martínez Somalo, Luisma, esta será a segunda campaña no Pescados Rubén Burela FS. Coa súa habitual serenidade e humildade, o pivote logroñés confesouse, xunto ao presidente, Manuel Blanco, e o secretario, José Anxo Dovale, esperanzado e motivado co horizonte que se debuxa para esta tempada: “O importante para min é o equipo, que o equipo consiga as metas que nos marcamos e que o club siga medrando. Somos ambiciosos e queremos mellorar o que logramos a tempada pasada; viñamos dun descenso e malia iso conseguimos facer un gran papel, co título de Copa Galicia e pelexando ata o final polo ascenso” valoraba o 6 burelista, que despediu 2017-18 como máximo goleador e mellor xogador do equipo mariñán: “Tiven esa sorte, para min é estraño. Son máis un xogador de equipo. Estou moi ilusionado, con ganas de que empece xa a liga e de conseguir o obxectivo que o ano pasado se nos escapou”.
Boas sensacións na Veiga
“Para sacar conclusións é un pouco cedo. O noso traballo de pretempada ata agora foi sobre todo físico, con Mera, pero este tipo de probas veñen ben para coller sensacións e ir axustando ás incorporacións” falaba así o logroñés da estrea de pretempada de onte sobre as pistas, na Veiga, con 0-0 ante Boal FS, de Segunda B, e 1-2 ante O Parrulo, de Primeira: “Foron dous partidos moi distintos, foi un torneo máis para sacar sensacións que para extraer conclusións. Creo que estivemos mellor co Parrulo. Fomos de menos a máis; Boal pechouse e non soubemos ler moi ben a súa defensa e temos que mellorar ese aspecto porque na liga imos atopar rivais así cos que imos ter que traballar en media pista. Co Parrulo xa se viron indicacións do que pode dar este equipo, ademais metemos un gol de estratexia, no que xa traballamos estes días” analizaba o protagonista goleador, a pase de Pitero.
Movistar, en Marín
A próxima proba para os de Juanma será mañá en Marín, fronte a Movistar Inter (19.30 horas). “É o mellor equipo do mundo, arrasa en todas as competicións. Serviranos para seguir collendo sensacións, para mellorar sobre todo aspectos defensivos. Xogando contra os mellores é cando máis se aprende e este partido serviranos para seguir collendo confianza e ritmo” explicaba Luisma.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
