Xove, 22 de agosto de 2018. O IX Encontro de Palilleiras de Xove vaise desenvolver o sábado 6 de outubro, durante todo o día, no Pavillón Municipal de Deportes.
As palilleiras que queiran inscribirse neste Encontro o poden facer dende o 20 de agosto ata o vindeiro 20 de setembro nos seguintes tfnos de contacto:
-Concello de Xove: 982 59 20 01.
-Mercedes Barro (prof. De bolillos): 679 89 42 19.
-Carmen García (prof. De bordado): 982 59 26 86.
En canto aos vendedores que queiran participar no Encontro cos seus produtos, teñen tamén un prazo para inscribirse do 20 de agosto ao 20 de setembro. Neste caso, a súa inscrición a terán que facer por correo electrónico dirixindo as súas solicitudes ao email: encontropalilleiras@xove.es.
ENTREGADOS DIPLOMAS AOS PARTICIPANTES DOS CURSOS DE INFORMÁTICA
Do 2 de xullo ao 16 de agosto, dentro das actividades programadas este verán polo noso Concello para a xuventude, levouse a cabo un CURSO DE INFORMÁTICA dirixido a nenos/as de 1º de primaria ata 4º de ESO. A impartición do curso foi levada a cabo polo profesor José Manuel Vale, consistindo o mesmona preparación de diferentes ejercicios de ofimática no seu nivel básico (tratamento de texto, folla de cálculo, presentacións,…) e o desenvolvemento de tarefas de uso de Internet con fins lúdicos e didácticos (buscadores, navegadores, plugins,…). Os alumnos dividíronse en dous grupos segundo idades, un de 1 a 10 anos e o outro de 11 a 16. As clases realizáronse na Aula de Informática da OMIX de luns a xoves, con dúas horas lectivas cada día.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
