Burela, 21 de setembro de 2018.- “A Xunta de Galicia apórtalle cartos para a realización de cursos formación de personas en situación de desemprego ao Concello de Burela, e o equipo de goberno non é quen de investilos na súa totalidade”, afirma Manuel Rouco, o presidente da Xestora do PP burelense, quen engade que “o alcalde, que tamén ostenta a delegación de emprego, non publicita nin moito nin pouco estas actividades formativas, provocando que moita xente non se enterase”.
Fronte a “esta desidia do rexedor socialista”, Rouco agradece “o esforzo” da administración autonómica para crear emprego. Proba delo é que a cantidade asignada ao Concello de Burela para este fin é de 242.095 euros para a realización de seis cursos de formación, con duración de entre catro e oito meses, e con destino a noventa persoas desempregadas. Neste senso, o presidente da Xestora pon en valor esta vontade colaboradora da Xunta de Galicia, pois son actividades formativas específicas que levan asociadas o certificado de profesionalidade e, por tanto, destaca, “favorecen que o acceso ao mercado laboral sexa máis doado”.
Medio millón no último ano
Os cursos eran de atención sociosanitaria a persoas dependentes, xestión integrada de recursos humanos, operacións auxiliares de servicios administrativos, promoción turística e atención ao visitante, operación de tratamento e gravación de datos, e de dinaminzación de actividades de tempo libre.
O presidente da Xestora local do PP considera que, esta aportación para as especialidades indicadas, “significa un compromiso claro da Xunta de Núñez Feijóo co Concello de Burela e máis concretamente coa xente que se atopa na nunca sinxela situación de atoparse en situación de desemprego e precisar de formación específica para atopar un posto de traballo”. A este respecto engade: “achega, a da Xunta, que é de agradecer, e que sumada a outras aportacións no último ano en materia de emprego suman un total de medio millón de euros só adicados a fomento do emprego e de formación de desempregados”.
“A deixadez do alcalde” provoca a perda de fondos
Manuel Rouco censura, ademais, que o Concello de Burela, “entendo que pola deixadez do alcalde, xa que nada se puido ler na prensa ao respecto e, polo tanto moita xente non se enterou de nada”, perdese dous destes cursos, concretamente o de operación auxiliares de servicios administrativos e o de gravación e tratamento de datos.
“Dito doutra maneira, o alcalde de Burela deixou de investir 67.396’50€ dos cartos de todos os galegos, co que trinta persoas perderon unha boa oportunidade de poder formarse debidamente para acceder a un posto de traballo. Isto demostra a auténtica incapacidade do socialista e do seu equipo para xestionar un Concello e nulo interese polo desempregados”. E todo elo, apunta, a pesares de que a entidade loca non tivo que aportar nngunha contía.
Os cursos impartíronse no Centro de Formación Ocupacional, que foi creado no seu día polo goberno municipal do PP. “E foi outro goberno municipal popular quen o trasladou á actual sede e procedeu á súa homologación”, conclúe.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
