Ourol, 28 de setembro de 2018.- A Vicepresidencia e Consellería de Presidencia, Administracións Públicas e Xustiza contribuirá á mellora de infraestruturas e servizos en Ourol mediante unha achega de 229.260 euros ao Concello para financiar o acondicionamento do centro social de Merille e o abastecemento de auga a sete núcleos da parroquia de Xerdiz.
O delegado territorial da Xunta en Lugo, José Manuel Balseiro, explicou que o Goberno galego sufraga ambas actuacións dentro da liña de colaboración cos concellos para apoiar e potenciar a prestación de servizos municipais.
A intervención no centro social de Merille, situado no lugar do Agro, ten un orzamento de 109.600 euros e estará orientada a mellorar a eficiencia enerxética do edificio, así como o seu estado de conservación e condicións de uso. As obras previstas consisten na reparación da envolvente térmica do inmoble, da cuberta e da fachada posterior.
Os traballos programados tamén afectarán ás instalacións de saneamento, fontanería e electricidade da parte posterior da edificación, xa que está previsto reformar os aseos e crear unha nova sala de usos múltiples.
Ampliación da rede de subministración de auga
Outra das actuacións que contará coa colaboración da Vicepresidencia da Xunta será a ampliación da rede municipal de subministración de auga para dotar de abastecemento a sete núcleos da parroquia de Xerdiz. O proxecto ten un orzamento de 119.650 euros.
As obras propostas permitirán levar este servizo aos lugares de Rexulfe, Os Currás, A Revolta, Vilacimas, O Loureiro, As Laxes e Pazos. As accións previstas consisten en colocar as correspondentes conducións, bocas de rego e demais elementos precisos para o funcionamento da rede de abastecemento.
Balseiro salientou a colaboración do Goberno galego cos concellos para reforzar infraestruturas e servizos básicos e destacou que para a Xunta é prioritario equilibrar as condicións de vida en todo o territorio, de xeito que o conxunto da cidadanía “teña acceso aos máximos recursos calquera que sexa o medio no que residan”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
