Ribadeo, 4 de outubro de 2018. A Asociación de Profesores de Automoción de Galicia (APAGA) fai un balance moi positivo das actividades da Semana Europea da FP que se desenvolveron estes días en Ribadeo e tamén en Viveiro. Ribadeo converteuse nun referente en Galicia na organización deste programa. Ata aquí se desprazou un profesor danés que impartiu charlas e participou en talleres de carrocería.
O presidente de APAGA, Álvaro Doural, cre que “o balance foi positivo e as actividades se desenvolveron segundo o previsto, tanto nos centros Porta da Auga en Ribadeo como María Sarmiento en Viveiro, xa que tiveron unha gran afluencia de público. As visitas ás empresas tamén foron ben. O profesor danés invitado este ano marchou esta mañá moi contento e co plan de preparar un proxecto conxunto con APAGA. Eles están neste momento nunha situación de cambio porque están facendo un novo centro, moi grande e con residencia de estudantes. Vai ocupar unha superficie dunhas corenta hectáreas. Estes días foron proveitosos tanto para os centros como para as empresas. Esta semana é un punto de partida”.
Doural subliñou que “se miramos no mapa que hai a nivel europeo, hai un punto do estado español que é Ribadeo, o único sitio neste momento en Galicia no que se fixeron actividades da Semana Europea da FP. Penso que é un dos obxectivos que nós nos prantexamos, ademais do tema técnico, axudar á divulgación da Mariña. Este profesor tivo a posibilidade de visitar Ribadeo, Mondoñedo e toda unha serie de empresas tanto aquí como na zona de Asturias. Estamos moi satisfeitos porque por parte dos centros houbo unha excelente colaboración, e con ganas de seguir para o ano con outra actividade deste tipo invitando a outros profesores doutro país”.
O presidente de APAGA anunciou que “se está a traballar nos programas das fins de semana, dos sábados tecnolóxicos, e se van empezar a organizar proxectos para este curso 2018-2019. Hai un que se vai realizar en Eslovaquia e para o que haberá unha xuntanza os días 14 e 15 de novembro. Ademais unido cos 21 centros do consorcio imos planificar o traballo, dado que este ano se nos aprobou a carta de mobilidade de FP que supón que durante cinco anos xa non temos que presentar proxectos senón que faremos as nosas peticións. Isto é un recoñecemento ao traballo feito e a valoración dos proxectos que se fixeron ata o de agora. Estamos facendo bastantes actividades, pero loitando co tempo que sempre é necesario e coa parte económica”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.