Foz, 11 de outubro de 2018. O Concello de Foz acaba de adxudicar as obras de pavimentación da estrada de San Martiño a Santa Cilla, cun investimento de 46.000 euros, e a reparación integral de tres parques infantís na vila por 54.130 euros.
O alcalde, Javier Jorge Castiñeira, anunciou hoxe que “vimos de adxudicar no Concello de Foz, nas mesas de contratación que se realizaron estes días, dúas obras importantes financiadas integramente pola Xunta de Galicia”.
O rexedor explicou que “unha é a obra de pavimentación da estrada que vai polo Bispo Santo, desde San Martiño ata Santa Cilla, que foi adxudicada á empresa Construcciones Saa por preto de 46.000 euros. A outra actuación son tres obras e consisten na reparación integral de tres parques infantís do núcleo urbano. Un é o que hai no porto, na explanada do que era a antiga rula; tamén se actuará no que está no parque Martínez Otero, preto da parada dos taxis, e no que hai na rúa Álvaro Cunqueiro, a carón de Facenda”.
O alcalde engade que “estes tres atópanse en moi mal estado e dentro desa planificación de reparacións de parques infantís que xa comezamos o ano pasado agora tócalle a estes. Era unha demanda importante e son uns parques infantís con moita xente e moitos rapaces xogando neles. A reparación é integral e substitúese o chan de losetas de goma que teñen por un de goma continuo e tamén se renovan todos os elementos e os columpios. A construción ten un custe total de 54.130 euros, IVE incluído, e foi adxudicada á empresa Bahía Park, que será a que faga os traballos”.
Javier Castiñeira salienta que “son dúas obras financiadas pola Xunta de Galicia: a actuación na estrada por Agader e pola Consellería de Medio Rural, e a obra dos parques pola Vicepresidencia, dentro das subvencións para mellora de infraestruturas de uso público. Estas obras empezarán nas próximas datas e complementarán esas melloras que se requiren tanto para as infraestruturas necesarias tanto no medio rural como núcleo urbano”.
O Concello de Foz mellorará tres parques infantís da vila. Ademais pavimentará a estrada de San Martiño a Santa Cilla
Relacionado
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
