O Valadouro 6-11-18. A próxima fin de semana o Pavillón Municipal de Ferreira do Valadouro acollerá o Trofeo Federación, esta cita é a primeira do calendario inaugurando o Ránking Autonómico Unificado para a tempada de sala 2018-2019. Un total de 179 arqueiras e arqueiros chegados dende as catro Provincias galegas tirarán un total de 60 frechas por participante. Repartidos en distintas modalidades o sábado a partir das tres e media da tarde os primeiros en pisar a pista serán os aruqueiros Tradicionais con Arco Espido, Tiro Instintivo e Long Bow. O domingo pola mañá a partir das nove e media chega a categoría raíña cos aruqueiros maiores de catorce anos con Arco Recurvo (Modalidade Olímpica) e Arco Composto (Poleas), xa de tarde e para concluír a competición será a quenda dos menores de catorce anos. Durante toda a fin de semana, actuais campións de España participan no Trofeo Federación como o Pontes Miguel Alvariño na absoluta de Arco Recurvo Home, Óscar Casal na absoluta de Long Bow Home ou Melania Sanjorge na absoluta de Low Bow Muller.
A Federación Galega de Tiro con Arco e o Club Castelarco do Valadouro son os encargados da Organización do evento unha cita que se repite por segunda vez no Valadouro e que reúne medio cento de participantes máis que a edición anterior. O club segue o seu empeño por traer competicións oficiais de Tiro con Arco á comarca para abrila a un deporte no que os galegos están a conseguir boas marcas a nivel nacional. A representación mariñá está asegurada tanto por parte do Club IADOVI de Cervo e o Club Local. Un total de sete arqueiros tentarán que algún dos trofeos quede na comarca. Pechando as competicións, a Federación Galega de Tiro con Arco celebrará a cerimonia de entrega de diplomas aos actuais campións galegos do ano 2018
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
