Burela, a 6 de novembro de 2018.- “O Sr. Fernández Rey debería ser máis comedido nas súas manifestacións e máis traballador e cumpridor coa cidadanía no que lle afecta como concelleiro; xa que non se pode negar o mal estado do cemiterio municipal e, polo tanto, a súa deixadez como concelleiro de Obras e Servizos”, manifestaron hoxe desde o Grupo Municipal Popular de Burela a raíz das declaración do concelleiro de Obras e primeiro tenente de alcalde.
Para os populares “é unha indecencia que o concelleiro critique ao PP para respostar ás nosas denuncias e tapar a súa deixadez, cando o que ten que facer é traballar e preocuparse por cumprir de forma decente coa cidadanía. El sabe perfectamente que non lle van con queixas porque é incapaz, igual que o alcalde, de resolver ningún problema. A resposta máis usual no Sr. Fernández Rey é dicir que tal ou cal non é cousa súa ou que xa vén da etapa anterior. Insistimos que a nós dirixíronse non dous nin tres veciños para darnos as queixas e o Sr. Fernández Rey debería, se se considera responsable, actuar e corrixir as deficiencias, aínda que é moi posible que non pase outra festividade de Santos como concelleiro de Obras”, manifestan.
Desde o Grupo Municipal Popular aseguran que “o certo é que o cemiterio municipal non estivo en condicións estes días e que non resiste a proba do algodón co cemiterio parroquial. E iso debería facerlle reflexionar ao Sr. Fernández Rey. A quen, como se ve, é de aplicación o refrán castelán de ‘o que se pica, é que allos come’”.
Problemas na EDAR
Os populares de Burela tamén lamentan que “o Sr. Fernández Rey culpe aos veciños e veciñas polos problemas de desbordamentos que sofre a EDAR cada vez que chove”. A este respecto, lémbranlle que “é responsabilidade súa manter as instalacións en condicións. Pero, ante a súa falta de xestión, será a Xunta a que actúe achegando 776.000 euros para a súa mellora no 2019 e 9 millóns de euros en total”, conclúen.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
