SANTIAGO .- Portos de Galicia, ultima un programa de actividades denominado Portos Xacobeos que será incluído dentro dos actos programados para o Xacobeo 2010, e que será presentado oficialmente nos vindeiros días.
Sen desvelar todavía os datos fundamentais, Portos de Galicia adianta que este programa levarase a cabo nas instalacións portuarias que, desde o ente público se caracterizan como portos Xacobeos, é dicir, portos que pola súa situación dentro dos diversos Camiños de Santiago estean relacionados ou vencellados ao mesmo, ven pola súa situación de chegada de peregrinos como pola súa inclusión dentro do propio itinerario.
Portos vencellados aos Camiños do Norte, Fisterra-Muxía, Camiño Inglés, Portugués e ruta Marítima de Arousa, en definitiva unha ducia de portos que formarán parte e se incluirán dentro deste programa dos Portos Xacobeos
Os concertos de música de cámara relacionada co camiño, concertos de pop e rock, exposicións, conferencias e, algunhas novidades mais, serán algúns dos actos que contan coa particularidade que na súa meirande parte serán levados a cabo nos propios portos elixidos para este proxecto.
O obxectivo deste programa de Portos Xacobeos é o de acercar os portos do Camiño aos cidadáns. Pretendese fundamentalmente dar a coñecer os nosos portos, a súa relación histórica co Camiño de Santiago programando unha serie de actos para os galegos e galegas de tal xeito que poidan participar neles ou ser espectadores, potenciando, ao mesmo tempo, as nosas instalacións portuarias e a súa vinculación histórica co Camiño de Santiago.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
