Mondoñedo, 15 de novembro de 2018.- O Concello de Mondoñedo divulga o libro ‘Tractores na néboa´, a través dunha presentación pública que se celebrará mañá, ás 20:30 horas, no Centro Comarcal Pazo de Santo Tomé da localidade.
A publicación ‘Tractores na néboa’ aglutina imaxes dos tractores clásicos que se concentraron no campo da feira da localidade durante as feiras e festas das San Lucas, tras realizaren previamente unha ruta entre Abadín e Mondoñedo. Estes vehículos agrícolas circularon por diante da Cova do Rei Cintolo, da Fonte Vella e pola Praza da Catedral ata chegar finalmente ao campo da feira.
A Asociación As San Lucas de Mondoñedo, organizadora das Feiras de Festas das San Lucas, incluíu na programación das festas durante o 2017 e o presente ano 2018 unha exposición de tractores clásicos, que o propio presidente, Miguel Souto, define como “volta á orixe, xa que moitos destes vehículos agrícolas foron vendidos nas San Lucas dos anos 50 e 60 do pasado século”. Esta actividade comezou, nas dúas edicións, cunha ruta entre Abadín e Mondoñedo de tractores clásicos, coa colaboración da Asociación Galega de Amigos da Maquinaria Agrícola Clásica (AGAMAC), que foron recibidos finalmente no campo da feira.
Guía dos recursos turísticos da localidade
‘Tractores na néboa’ é editado pola Fundación Jorge Jove e Campo Galego, coa colaboración da Asociación Galega de Amigos da Maquinaria Agrícola Clásica (AGAMAC). Esta publicación recolle, polo tanto, imaxes dos diferentes vehículos agrícolas que asistiron ás Feiras e Festas das San Lucas, xunto con información de cada un destes históricos medios de traballo no agro. En cada edición participaron sobre uns 30 tractores chegados de diferentes localidades galegas. Ademais das fotos dos vehículos agrícolas clásicos, o libro tamén inclúe información de diferentes recursos turísticos da cidade de Mondoñedo.
A alcaldesa de Mondoñedo, Elena Candia, agradece esta iniciativa que permite, por unha banda, poñer en valor “estes vehículos clásicos que forman parte da nosa historia e que contribuíron á dinamización do noso rural” e, por outra banda, “esta publicación tamén serve de guía dos recursos turísticos da localidade”.
Á presentación asistirán a alcaldesa de Mondoñedo, Elena Candia; o presidente da Asociación As San Lucas, Miguel Souto, así como representantes da Fundación Jorge Jove, Campo Galego e integrantes de AGAMAC, entre eles o seu presidente, Manuel Iglesias Pérez . Dende o Concello de Mondoñedo ofreceranlles a todos eles previamente unha visita guiada polo casco histórico.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
