Lugo 15, novembro, 2018. Os populares de Lugo recordan “o compromiso de servizo público do Partido Popular, máis alá da xestión ou da función de control e fiscalización. Somos un Partido centrado no sistema sanitario, un dos mellores do mundo” durante o desenvolvemento da conferencia sobre “O gas radon e os seus efectos sobre a saúde” que ofreceu este xoves a doutora Raquel Barbosa en Lugo convidada pola Comisión Provincial de Sanidade.
Os populares explicaron que “a saúde é un ámbito irrenunciable e un reto permanente e obrigado para os gobernantes”. Nese sentido, tal e como vimos demostrando coa celebración de diversas conferencias “somos un partido comprometido co benestar dos cidadáns e que procura dar resposta a cuestións que os preocupan directamente a través dos coñecementos que nos transmiten de primeira man os profesionais”.
Neste caso, a doutora Barbosa, que centrou a súa actividade investigadora na análise do efecto do radon sobre a saúde e que agora traballa no Servizo de Medicina Preventiva e Saúde Pública do HULA, recordou que este gas é considerado como carcinóxeno humano pola Axencia Internacional do Cancro debido ao seu efecto demostrado sobre o cancro de pulmón. Isto supón un importante problema de saúde pública en Galicia ao supoñer unha das principais causas de morte despois das enfermidades isquémicas do corazón e as enfermidades cerebrovasculares. É máis, o radon é a segunda causa deste tipo de cancro despois do tabaco e a primeira no caso de persoas non fumadoras. Con todo, advertiu tamén da súa asociación con outras patoloxías.
A súa incidencia en Galicia é palpable tendo en conta que o radon é un gas incoloro que se acumula en lugares pechados coma vivendas ou espazos de traballo e que se xera pola desintegración do uranio cando a nosa comunidade é unha zona con alta presenza de minerais ricos neste elemento.
Recomendacións para evitar altas concentracións de radon nas vivendas
Coa finalidade de diminuír os riscos sobre a nosa saúde, a doutora Barbosa propuxo medidas útiles para non deixar entrar o radon na vivenda ou evitar as altas concentracións deste gas no seu interior ben sexa provocando a súa saída ou ben introducindo aire con menor concentración de radon.
As medidas recomendadas para as vivendas xa construídas son as colocación de arquetas de succión, o selado de gretas e fisuras, bombas de baleiro ou a impermeabilización con materiais específicos. A Xunta de Galicia está a ultimar unha guía de recomendacións para mitigar a exposición ao gas radon en vivendas xa construídas da man do Instituto Tecnolóxico de Galicia (ITG) en colaboración cos técnicos do Instituto Galego da Vivenda e Solo (IGVS).
Achegando o Partido aos lucenses
O PP da provincia de Lugo, con este encontro, da un paso máis no obxectivo de achegar o Partido á cidadanía e de coñecer as principais fortalezas e debilidades tanto dos distintos axentes sociais e económicos, como dos sectores que operan na sociedade.
Neste caso, a Comisión de Sanidade no seu conxunto traballa para levar a cabo novas iniciativas neste eido despois de achegar información recentemente sobre a importancia da vacinación ante o virus da gripe.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
