Burela, 23 de novembro de 2018. A subdelegada do Goberno, Isabel Rodríguez, anunciou hoxe un investimento de máis de medio millón de euros para obras de mellora da costa da Mariña. A subdelegada do Goberno fixo este anuncio en Burela, durante unha visita que efectuou, acompañada polo alcalde, Alfredo Llano, á primeira das actuacións que pon en marcha o Ministerio para a Transición Ecolóxica, a través da Dirección Xeral de Sostenibilidade da Costa e do Mar dentro do plan de conservación e mantemento da costa. Este plan conta cun orzamento total de máis de 220.000 euros para a realización de melloras na comarca da Mariña.
A subdelegada do Goberno explicou que “con este importante esforzo inversor queda claro o noso compromiso cos veciños da Mariña e a súa calidade de vida, tamén demostramos con feitos a nosa aposta por esta comarca que consideramos fundamental para a provincia de Lugo, polo seu dinamismo económico, os valores ambientais e os seus atractivos turísticos, que son un importante recurso económico para todos os mariñáns”.
Isabel Rodríguez e Alfredo Llano inspeccionaron esta mañá, no Cantiño, na zona do Castro, o comezo dos traballos que levará a cabo a Dirección Xeral de Sostenibilidade da Costa e do Mar no municipio de Burela onde se van instalar novas varandas e tamén está previsto facer reparacións no paseo marítimo e nas zonas do espigón danadas polos temporais de 2018.
Esta é unha das actuacións incluídas no plan de conservación de mantemento no litoral da costa de Lugo, que suporá un investimento total de 223.877 euros para a realización de melloras en todos os concellos da comarca da Mariña.
CETÁREA DE SAN CIBRAO
Ademais, Isabel Rodríguez anunciou que hoxe mesmo comezaron os traballos previos para outra obra que executará na Mariña o Ministerio para a Transición Ecolóxica. Trátase da demolición da parte superior da cetárea en San Cibrao, no concello de Cervo, que conta cun orzamento de 31.807 euros. Os traballos desta actuación comezarán dentro duns días.
PORTIÑO DE MORÁS
A subdelegada do Goberno explicou, tamén, que o Ministerio para a Transición Ecolóxica ten prevista outra importante inversión, neste caso no Concello de Xove, consistente na supresión do tráfico rodado e o acondicionamento do contorno do portiño de Morás. A execución deste importante proxecto xa foi encargada e suporá un investimento de 360.544 euros.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
