Burela, 27 de novembro de 2018.- A Consellería de Educación, Universidade e Formación Profesional rematou a intervención de urxencia executada no CEIP Virxe do Carme de Burela co obxecto de corrixir os problemas ocasionados tras as filtracións de auga nas instalacións deste centro.
As obras finalizaron e unicamente queda pendente completar os últimos remates. O delegado territorial de Lugo, José Manuel Balseiro, salientou que a Xunta deu prioridade a esta actuación coa finalidade de solucionar sen demora as deficiencias detectadas, logo das correspondentes visitas técnicas e de inspección.
O departamento autonómico de Educación optou por levar a cabo unha reforma nas conducións de augas pluviais, actuando na cuberta, canlóns e baixantes que presentaban deterioro, para evitar as filtracións de auga nas aulas e demais espazos de uso lectivo.
Os traballos foron executados nas últimas semanas e para levalos a cabo foi preciso ter en conta factores como as condicións climatolóxicas, xa que o selado de canlóns e baixantes debe facerse en ausencia de precipitacións para garantir o seu bo estado e a súa durabilidade.
Balseiro confirmou así mesmo, que o pasado venres xa recibiron no centro o novo mobiliario dirixido a substituír a aquel que está afectado pola couza. Estes días estase a programar a distribución do novo equipamento, entre o que figuran armarios librería e de oficina, así como percheiros, mesas e cadeiras de distinto tipo, entre outros. Unhas tarefas que se desenvolven de xeito coordinado cos labores da limpeza a fondo das instalacións.
O delegado territorial lembrou finalmente que tras executar as obras de maior urxencia, a Xunta proxecta acometer o vindeiro verán a obra de remodelación integral do CEIP Virxe do Carme. A Administración autonómica reserva preto de 860.000 euros para intervir nos tres edificios do recinto escolar e actuar sobre a carpintería exterior e interior, substituír as luminarias existentes por outras de baixo consumo con tecnoloxía LED, realizar traballos xerais de acondicionamento (falsos teitos, reparacións e pintado de aulas) e renovar os aseos, entre outras accións.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
