A Mariña 29, novembro, 2018. O deputado popular Daniel Vega considera que “a ampliación do Hospital da Mariña responde á promesa dos populares e amosa o compromiso de Feijóo coa sanidade pública e os veciños e veciñas da comarca”. O popular pon así en valor o investimento dun total de 20,5 millóns de euros por parte da Xunta neste centro hospitalario
A primeira fase do proxecto de ampliación contou cunha achega de 10,5 millóns de euros para aumentar a superficie do centro hospitalario en 6.000 metros cadrados e incrementar a súa carteira de servizos. Pero, a este investimento hai que engadir outros 2 millóns de euros para o seu equipamento. A segunda fase, que está previsto iniciar antes do 2019, conta cun orzamento de 8 millóns de euros.
O popular incide no “incremento e mellora dos servizos sanitarios do Hospital Público da Mariña” que gaña máis espazo na área cirúrxica e de hospitalización con 28 novas habitacións dobres, contará cunha nova zona de consultas externas con 33 locais de consultas dos especialistas, dúas salas de endoscopias dixestivas, unha sala de técnicas cirúrxicas ambulatorias -hospital de día-, un gabinete para cardioloxía, unha nova área de oftalmoloxía con 10 locais con material completamente renovado, ademais da mellora no espazo do hospital de día oncolóxico. “Con esta reforma tamén se mellorou a área de Farmacia hospitalaria dotada con modernos medios electrónicos para almacenamento, así coma as instalacións de atención”, engade Vega.
As obras da segunda fase de mellora do Hospital da Mariña impulsadas pola Xunta de Galicia permitirán remodelar os espazos interiores do edificio antigo, a zona de hospitalización e das áreas cirúrxicas; ademais de reformar a área de diálise, do hospital de día médico e a área administrativa. Tamén se modernizarán as 30 habitacións actuais e se crearán novos locais de consultas externas e gabinetes de exploracións.
Daniel Vega recorda que o Executivo autonómico “ten presentes as demandas dos veciños e veciñas en relación á mellora do centro hospitalario da Mariña e os seus servizos”. Así, a Xunta ven incrementando dende o 2012 a súa carteira de servizos de forma notable. Algúns exemplos son a implantación de tres equipos de Hospitalización a domicilio- Coidados Paliativos, da unidade de retina de oftalmoloxía, do hospital de día oncolóxico ou da segunda sala de endoscopias que permite facer máis probas e reducir os tempos de agarda.
Novos servizos extra-hospitalarios
A comarca da Mariña vese beneficiada tamén doutros servizos extra-hospitalarios implantados nos últimos anos. Nese sentido, o deputado popular mariñán recorda a ambulancia medicalizada con base permanente no Centro de Saúde de Foz que presta servizo as 24 horas ou o programa de retinografías en atención primaria implantado nos centros de saúde de Viveiro e Burela e que beneficia a nove concellos da Mariña lucense.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
