Nas últimas semanas asistimos a un clamoroso intento de manipulación política, sen precedentes, que ten como principal obxectivo xerar unha inxustificada alarma social nun asunto tan serio c... Ler máis
ÚLTIMA HORA
- A crise do combustible reduce aínda máis os beneficios da pesca artesanal galega
- A Semana Santa de Mondoñedo inicia a conta atrás coa presentación do seu cartel
- A Piscina Municipal de Viveiro porá en marcha novos cursos a partir do 16 de marzo, co obxectivo de ampliar a oferta de actividade física e promover hábitos saudables entre a veciñanza
- Lourenzá vive un 8M activo e participativo con novas sesións esta semana
- A Piscina Municipal de Viveiro porá en marcha novos cursos a partir do 16 de marzo, co obxectivo de ampliar a oferta de actividade física e promover hábitos saudables entre a veciñanza
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta. - Este sábado 14 de marzo, ás 19:00 h na Casa do Viejo Pancho, A AC Francisco Lanza organiza unha conferencia dedicada ás raíñas de Galiza, impartida por Heitor Picallo, autor de varios estudos sobre esta temática
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa. - A Asociación de Veciños do Burgo de Trasbar celebrou unha nova edición do seu Campionato de Tute, que este ano contou coa participación de dez parellas
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias. - Os servizos de emerxencias actuaron en Vilalba polo envorco dun camión que transportaba leite
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación. - AAVV O Vencello participará no programa “Coñece a túa provincia” da Deputación
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com. - O Concello de Foz comeza as probas da nova iluminación colocada nas letras de Foz situadas no Pico do Castro
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto. - A alcaldesa de Burela, Carmela López, e a concelleira de Servizos Sociais, Sandra Fernández, achegáronse a felicitar a María Consuelo Fanego Doval polo seu 101 aniversario, trasladándolle en persoa os seus parabéns nun día tan especial
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
2021 Crónica 3 A Mariña - Implementado por GaliciaDigital