O Vicedo, 28 de maio de 2026. O PSdeG de O Vicedo defendeu no Pleno celebrado este mércores, 27 de maio, unha moción para a elaboración dun Plan de Mobilidade municipal e a reubicación de co... Ler máis
ÚLTIMA HORA
- Efectivos da Garda Civil de Mondoñedo doaron sangue no punto móbil do SERGAS
- Cariño aposta pola conciliación familiar cunha nova edición do seu campamento de verán
- A Biblioteca de Xove anuncia os premios do Concurso das Letras Galegas 2026
- ADEGA acusa a Xunta de distorsionar os datos sobre o lobo e de obstruír a súa protección
- Xornada de traballo do BNG en Muras: O Posible Beneficio Social da Enerxía Eólica
Terá lugar este venres 29 de maio ás 17:30 horas no Local Social da rúa Enrique Guzmán. A primeira mesa, dedicada aos diferentes modelos de obter beneficio, contará con Fernando Branco Parga e Quico da Silva do Colectivo Bidán, e co deputado Xosé Manuel Golpe, baixo a moderación da concelleira Paula Gómez. A segunda mesa abordará os beneficios para a veciñanza no desenvolvemento da enerxía eólica en Muras, con intervencións da deputada Olalla Rodil, do deputado Daniel Castro e do alcalde Manuel Requeixo, moderados pola concelleira Azucena Camba. - A XXXIX Travesía Internacional Costa Naviega celebrarase o 14 de xuño, cun percorrido sinalizado de 20 km entre Barayo e Navia pasando por Puerto de Vega e Frexulfe
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia. - A Escola de Música Municipal de Ortigueira abre do 1 de xuño ao 15 de xullo de 2026 o prazo de prematrícula para novo alumnado que cumpra 7 anos en 2026 e para estudantes que desexen cambiar ou engadir instrumento
Non deben prematricularse quen continúe co mesmo instrumento nin quen opte a talleres, Música e Movemento, Pandeireta ou Instrumentos Tradicionais, que se inscribirán en setembro. As solicitudes presentaranse no rexistro do Concello ou na sede electrónica, sen garantir praza. O alumnado xa matriculado mantén a súa praza se formaliza a matrícula entre o 1 e o 9 de setembro. A Escola contactará na primeira semana de setembro para confirmar dispoñibilidade segundo o Regulamento interno. - O Concello celebra este venres 29 de maio, ás 18:30 h, no pavillón do CEIP Cervo, o acto de clausura da tempada das Escolas Deportivas Municipais Infantís
A xornada incluirá exhibicións de patinaxe artística e ximnasia rítmica, así como a entrega de diplomas e dun agasallo para todos os nenos e nenas das distintas disciplinas das escolas: voleibol, balonmán, multideporte, ximnasia rítmica e patinaxe artística. Será unha tarde especial para recoñecer o esforzo, a ilusión e o compañeirismo amosados ao longo de todo o curso. - Dende este mércores 27 de maio, e ata o venres 29, permanecerá cortado ao tráfico un treito da estrada provincial LU-P-4802 debido ao inicio dos traballos de aglomerado en quente nesta vía, que conecta Santalla coa Ponte Soutelo, no concello de Ribeira de Piquín
O corte afectará ao tramo comprendido entre os puntos quilométricos 19,765 e 22,933. As obras, executadas pola empresa OVISA Pavimentos y Obras S.L.U., contan cun investimento da Deputación de Lugo de preto de 190.000 euros. - A sala de exposicións de Regalxunqueira, Viveiro, inaugura este venres 29 de maio, ás 20:30 h, a mostra Coma sempre da pintora lucense Carmen Prado, artista autodidacta coñecida pola súa obra centrada na figura feminina
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. No acto de apertura servirase un viño acompañado dun pequeno aperitivo. - Os Técnicos Superiores e de Grao Medio concentráronse este luns, 25 de maio, no Hospital Público da Mariña para reclamar avances reais nas súas condicións laborais
O colectivo denuncia que, tras anos de espera, continúa sen obter unha resposta xusta ás súas reivindicacións e esixe o recoñecemento da súa categoría profesional, unha reclasificación acorde coa súa cualificación e unha retribución inmediata e adecuada ás súas funcións. Os profesionais reclaman tamén axilidade nas solucións, lembrando que levan demasiado tempo entre promesas incumpridas e parálise administrativa.
2021 Crónica 3 A Mariña - Implementado por GaliciaDigital