- O Concello de Cervo convida a participar no concurso "Versos de Rosalía"
Achégase o Día de Rosalía de Castro, a escritora máis representativa das nosas letras. Para celebralo, o Concello de Cervo convida a participar no concurso "Versos de Rosalía" envíando os dous versos que máis che gusten da escritora no formato que desexes (fotografía, debuxo, vídeo, audio, texto...). Valorarase a orixinalidade. Establécense dúas categorías: sénior e xuvenil, con tres premios en cada unha delas. Fai chegar as túas creacións antes das 12:00 horas do 24 de febreiro ao correo prensa@concellodecervo.com ou por whatsapp ao 683 31 59 39. Recorda incluír o teu nome e apelidos, idade, teléfono e lugar de procedencia. Os/as gañadores/as daranse a coñecer ás 20:00 horas do mesmo 24 de febreiro.
- O conselleiro do Mar, Alfonso Villares, asistiu o pasado venres á ponencia da presidenta de Madrid, Isabel Díaz Ayuso, 'Iniciativa privada e poder público'
Foi no marco dos X Foros de Debate Fundación Sargadelos que se celebraron no hotel-restaurante Voar de Ribadeo.
- "Rosalía de Castro, como cor de ouro pálido", o sábado, 22 de febreiro, no Pastor Díaz de Viveiro
Unha obra multidisciplinar na que os seus integrantes, tomando como punto de partida unha escolma de poemas da escritora galega máis universal, sumerxen os espectador nunha viaxe a través da imaxe, o son e a palabra. A cita é ás 20:30h. Entrada de balde ata completar aforo. Non se precisa reserva.
- A Xunta colabora coa celebración do Entroido do Val de Francos o día 4 de marzo no municipio de Castro de Rei
A Delegación Territorial acolleu hoxe a presentación da cita, coa presenza do delegado territorial, Javier Arias; o alcalde de Castro de Rei, Francisco Balado, e representantes da asociación cultural Val de Francos, responsable da organización. Arias felicitou ao colectivo “por manter e renovar esta tradición festiva” que implica ás parroquias de Ansemar, Balmonte e Goberno. O Campo do Carril, en Ansemar, acollerá os actos a partir das catro e media da tarde. Ademais do sermón e a Queima do Entroido, haberá xogos e actividades infantís, unha degustación gratuíta de produtos de razas autóctonas galegas e sorteo de agasallos. Tamén haberá postos de venda de filloas elaboradas por filloeiras de Muimenta e animación musical con varios grupos e orquestras.
- Rematou o Curso “Aproximación a historia do cine galego” da Uned Sénior impartido por Francisco Luis Rodríguez Guerreiro cunha interesante visita ao teatro Pastor Díaz onde descubríuse as entrañas dese magnifico edificio
Agora xa está aberta a inscripción do 2º cuatrimestre na UNED Senior de Viveiro para os maiores de 50 anos interesados e permanecerá aberta ata o 24 de febreiro na asignatura: "La emigración gallega y su impacto en el mundo del y de las letras". Mais información: Secretaría UNED. Claustros Iglesia de San Francisco.1º piso. 982 563 601. viveiro@lugo.uned.es
- Recepción no Concello de Ribadeo a un grupo de alumnas e alumnos italianos do ISS Alfredo Ferrari de Maranello, que realizarán durante dúas semanas as súas prácticas en empresas da Mariña
O alcalde, Dani Vega, desexoulles que “estas prácticas sexan proveitosas tanto para o seu futuro laboral como para levar un grato recordo cultural da nosa terra”. Este grupo de rapazas e rapaces italianos chegaron a Ribadeo da man de Apaga (Asociación de Profesores de Automoción de Galicia).
- O pasado sábado, 8 de febreiro, celebrouse en Vilela a 3ª Xornada Gastronómica do Cocido Galego
Reuniu a máis de 350 persoas para degustar un saboroso cocido con porco celta. O menú incluíu sopa, grelos, chourizo, garavanzos, costela, lacón, botelo, viño e empanada de mazá, todo servido nunha carpa climatizada e cun gran ambiente festivo e música. O alcalde, Dani Vega, tivo palabras de agradecemento para a organización: "grazas á asociación polo gran traballo e a excelente organización da festa, así como polo esforzo e dedicación de todos os días". A xornada contou co apoio do Concello de Ribadeo, da Xunta de Galicia e da Raza Autóctona Porco Celta.