BARREIROS .- A tradición e a modernidade danse a man de novo no San Caetano 2009. Celeiro de Mariñaos prepárase para festexar o vindeiro venres e sábado a edición deste ano desta festa arraigada xa no calendario de verán da comarca. O programa, que foi presentado hoxe, inclúe xogos, un espectáculo de clown e escapismo, música galega e moita verbena para dous días de festa que conservan o sabor das romarías tradicionais.
A festa arrincará o venres 21 a partir das 21:00 horas cunha cea a prezos populares e moita música. A do venres será coma sempre a noite máis innovadora co concerto de grupos emerxentes do panorama galego. Este ano o San Caetano mira cara a lusofonía e o primeiro día o plato forte será a fusión galego-brasileira de Café Caxaça, unha formación de Vigo composta por músicos de Brasil e Galiza e liderada por Renato Spencer.
No segundo día, o sábado 22, as protagonistas serán as merendas. É o día no que familias e grupos de amigos se xuntan para ir comer ao monte. As merendas colócanse no entorno da Capela de San Caetano dende primeira hora da mañá e a festa dura ata ben entrada a noite. Aproveitando as merendas, terá lugar a XIV edición do xa tradicional Concurso de Tortillas. Este ano haberá premios á de mellor sabor, á máis innovadora, á mellor presentada e á mais grande. Coma todos os anos a comisión elaborará unha tortilla xigante, que non entra a concurso, de máis dun metro de diámetro e 10 centímetros de grosor para a que serán necesarios 35 kilos de pataca, 14 ducias de ovos, 5 kilos de cebolas, 5 quilos de pimentos, ademais de touciño e chourizo e que será repartida de balde entre os asistentes á festa. Tamén será premiada a merenda máis numerosa.
A música poñerana no segundo día o grupo folk e de música tradicional Os Minhotos e a tradicional verbena correrá a cargo das orquestras Colores e Blanca Doble. Pola tarde haberá xogos tradicionais para menos e maiores e un espectáculo de clown e escapismo para todos os públicos a cargo de Natalia Outeiro, unha das máis destacadas representantes do Novo Circo galego e integrante de compañías de teatro como Chévere ou Pista Catro. Pola noite, pecharáse o San Caetano, como xa é tradición, con verbena, baile do farolillo e unha grande chocolatada.
RESTAURACIÓN DUN RETÁBULO DO SÉCULO XVII, UNHA DAS XOIAS DO BARROCO DA COMARCA
O San Caetano 2009 vén ademais precedido pola realización de importantes obras no entorno da capela e pola restauración dos retábulos interiores, tres pezas do século XVII de importante valor histórico-artístico, tres retábulos únicos na zona e que representan unha das xoias do barroco na comarca. Os traballos de restauración duraron todo un ano e a súa apertura para a visita do público coincidirá coa misa solemne na capela o segundo día da romaría, o sábado 22 ás 13:00 horas.
As obras foron impulsadas pola asociación veciñal e cultural, a Irmandade San Caetano, que organiza tamén a festa e que pretende pular pola recuperación dun entorno que estivo nos últimos anos envolto nun longo litixio xudicial. O obxectivo é agora a recuperación da capela, do século XVII, despois de que a Audiencia Provincial de Lugo outorgara de novo a titularidade aos veciños. Este ano os organizadores agardan ademais unha importante afluencia de xente nunha das citas do verán na comarca da Mariña que está a consolidar o seu carácter festeiro e innovador.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
