Nota de Prensa
O deputado do Partido Popular de Galicia, Jose Manuel Balseiro Orol ante as informacións aparecidas en diversos medios de comunicación que se fan eco dunhas declaracións efectuadas polo alcalde de Foz, Jose María García Rivera, nas que asegura que no seo da mancomunidade de municipios da Mariña lucense “Balseiro dixo que había asuntos máis urxentes para arranxar a sanidade” quere clarexar o seguinte
1º.- Que a devandita afirmación non é textual nin certa, polo tanto o alcalde de Foz está a mentir imputando esas palabras ao deputado popular.
2º.- Que non só este deputado, senón a inmensa maioría dos representantes municipais da Mariña rexeitaron a moción presentada por Jose María García Rivera sobre un inexistente perigo de desmantelamento do Hospital da Costa, negando toda validez a esta alarma e subliñando os compromisos adquiridos tanto por Sanidade como polo propio Presidente da Xunta para o reforzo e autonomía da área sanitaria da Mariña e do seu hospital.
3º.- Que en todo caso o deputado popular mantén que o debate sobre sanidade tal e como o pretendeu suscitar o alcalde de Foz nin é urxente, nin ten ningún tipo de fundamento na realidade. Sería moito máis importante para os concellos da Mariña representados na Mancomunidade poder debater sobre outras cuestións como son os recortes sociais que o Goberno socialista de Zapatero está a impoñer a traballadores, dependentes e nais ou sobre a redución de soldos dos empregados públicos, ademais da diminución das achegas que o Goberno central tería que destinar ao financiamento dos concellos.
4º.- Jose Manuel Balseiro amosa a súa máxima satisfacción porque a Mancomunidade de concellos da Mariña lucense rexeite os argumentos empregados pola plataforma sanitaria que instrumentaliza o PSOE e o BNG, e non se adhira á súa mobilización. Insiste en que estes colectivos tan só buscan facer dano político xerando alarma social nun asunto tan serio como é o do funcionamento dos servizos públicos chamados a garantir a saúde das persoas.
Lembra que só o alcalde de Foz e os representantes do concello de A Pontenova (que nin tan sequera forman parte da área sanitaria do norte lucense) defenderon as teses “catastrofistas” da plataforma sanitaria.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
