Nota de prensa
ANTONIO VEIGA ASISTIU Á ENTREGA DOS XOGUETES RECOLLIDOS NOS MUSEOS DA REDE PROVINCIAL, QUE A PEÑA A PATACA NARANXA DISTRIBUIRÁ ENTRE OS NENOS MÁIS NECESITADOS
A peña do CD Burela leva anos colaborando con recollidas de xoguetes para os nenos e nenas que menos teñen, e nos vindeiros días repartirán os que hoxe se atopaban no Museo do Mar entre os pequenos da zona da Mariña
CERVO, 30 de decembro de 2010. O delegado de Cultura e Deporte da Deputación de Lugo, o nacionalista Antonio Veiga, asistiu esta tarde á entrega dos xoguetes que foron recollidos nos Museos da rede provincial á peña do CD Burela A Pataca Naranxa, que se encargará de distribuílos nos vindeiros días entre os nenos e nenas máis necesitados de varias zonas da Mariña.
Antonio Veiga mostrou a súa satisfacción pola cantidade de xoguetes reunidos, e deu as “grazas a todos os nenos e nenas, tanto de San Cibrao como doutros lugares onde se recolleron xoguetes, xa que con esta iniciativa lograrase que moitos nenos e nenas sorrían nestas datas nas que a infancia é protagonista”. Pola súa banda, Encarna Lago, xerente da rede museística, explicou que ao longo destas festas os pequenos estiveron realizando varias actividades dentro do programa de Nadal dos centros, aos que cada un levou un xoguete para regalar aos que máis o necesitan. Estes agasallos estaban esta tarde no Museo do Mar, listos para ser entregados a Juan Izquierdo, presidente da Pataca Naranxa, que se encargará de levarllos a quen menos teñen nestas datas. Como el mesmo explicou, xa se repartiron xoguetes arredor do día de Nadal e, antes de reis, distribuirase os que hoxe levou do Museo do Mar.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
