Nota de prensa
A Asociación Provincial de Empresarias, primeira en adaptarse á nova plataforma de comercio electrónico da Deputación
– Esta semana a Deputación adxudica o concurso que arranca o primeiro “centro comercial on line” de toda a provincia
– O Presidente asinou un convenio coas Empresarias de Lugo no que lles achega 46.000 euros para a adaptación á plataforma provincial
– Gómez Besteiro salienta que “o noso obxectivo é que en abril todas as PEMES e autónomos de Lugo poidan sumarse ó noso proxecto co fin de aumentar os seus beneficios e impulsar a economía”
O Presidente da Deputación, José Ramón Gómez Besteiro, anunciou que esta semana quedará adxudicado o concurso para a posta en marcha da primeira plataforma de comercio electrónico na provincia. Trátase dunha iniciativa, dotada de 630.323 euros e co-financiada polo organismo provincial e a Unión Europea, que permitirá exclusivamente ás empresas lucenses pór a venda os seus produtos a través de Internet no primeiro “centro comercial on line de Lugo”. As primeiras en adaptarse e a esta plataforma foron as empresarias que, a través da Asociación Provincial que as representa, recibiron unha subvención de 46.000 euros para consolidar a páxina web que están a ultimar, na que exporán e informarán sobre os seus produtos os cales estarán á venda mediante un enlace á plataforma de comercio electrónico da Deputación. “O noso obxectivo é que en abril todas as PEMES e autónomos lucenses poidan sumarse ó noso proxecto co fin de aumentar os seus beneficios e impulsar a economía”, explicou o Presidente.
A plataforma de comercio dará os seus primeiros pasos en marzo. Esta iniciativa tecnolóxica, enmarcada dentro do Innova-TE, suporá importantes beneficios para as empresas da provincia porque será un espazo onde as PEMES da provincia poderán anunciarse, vender e distribuír os seus produtos en novos mercados as 24 horas do día; permitirá a realización de operacións de pago electrónico e facturación electrónica; incrementará a autonomía das empresas na xestión dos seus catálogos de produtos; ofrecerá por vez primeira unha imaxe de marca de Produtos de Lugo, independentemente do proveedor que os ofreza; e aforrará tempo e cartos as persoas que mercan no primeiro “centro comercial” on line da provincia.
En España hai máis de 10 millóns de internautas que mercan a través da Rede xerando un volume de negocio de case 8.000 millóns de euros segundo datos do Ministerio de Industria. O Observatorio da Sociedade da Información de Galicia mantén que as empresas da provincia son as que menos presenza teñen en Internet de toda a Comunidade. Tan só un 5,7% vende os seus produtos a través deste sistema. A continuación, estarían Ourense cun 8,5%, Pontevedra cun 8,7% e, finalmente, Coruña cun 11%. Nembargantes, existen casos moi destacados como “bicicletasguillermo.com”, unha empresa monfortina que xá factura o 70% das vendas a través de internet.
As Empresarias, as primeiras
Gómez Besteiro fixo este anuncio durante a sinatura do convenio coa Asociación de Mulleres Empresarias de Lugo mediante o cal o organismo provincial aporta a este colectivo 46.000 euros. Esta cantidade achégase para permitir a adaptación do novo portal web que están a ultimar e onde 30 empresarias amosan seus produtos á plataforma de comercio electrónico da Deputación.
Esta iniciativa engádense a outras medidas postas en marcha polo organismo provincial que potencian o comercio. Por exemplo, as primeiras subvencións en España coas que o organismo provincial asumiu os gastos correntes de centos de autónomos, moitos deles comerciantes; o apoio á celebración da 1º Feira Outlet de comerciantes da cidade de Lugo que acadou, en só 2 días, un volume de negocio superior ós 100.000 euros; ou o curso personalizado de formación “Burela co seu comercio” .
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
