Nota de prensa
Segundo as estimacións oficiais só entre Ribadeo e Mugardos os danos sobre as infraestruturas marítimas ascenderon a máis de 3,4 millóns de euros
OS POPULARES SALIENTAN QUE MAR CONCEDERÁ AXUDAS DE ATA 8.000 € POR EMBARCACIÓN E 1.500 € POR APARELLO SE RESULTARON DANADOS POLO TEMPORAL BECKY
o O prazo de solicitude desta axuda é dun mes a contar desde o día de mañá.
A Mariña, 8 de febreiro de 2011- O voceiro do Mar do Grupo Parlamentario Popular, Jose Manuel Balseiro, salientou que a Consellería do Mar outorgará axudas de ata os 8.000 euros por embarcación e 1.500 euros por aparello, para compensar os danos provocados polo temporal Becky, que tivo lugar a finais do ano pasado.
O devandito episodio atmosférico foi extremadamente virulento en particular pola forza do vento de 120 km/h nalgúns puntos, e a forte vaga de mar que chegou a alcanzar a altura de vinte metros, e provocou a perda de vidas humanas, desbordamento de ríos, cortes de estradas, o amarre da flota pesqueira e considerables danos materiais en vías publicas, paseos marítimos, portos e establecementos mercantís e vivendas en zonas costeiras.
BENEFICIARIOS
As axudas da Consellería beneficiarán a persoas físicas ou xurídicas titulares de embarcacións e aparellos afectadas sempre e cando teñan porto base na nosa comunidade ou sexan artes e aparellos calados ou depositados en portos da nosa comunidade autónoma.
A concesión destas axudas terá carácter subsidiario e complementario respecto de calquera outro sistema de cobertura de danos (seguros, por exemplo) público ou privado, estatal ou internacional, de que poidan ser beneficiarios os afectados. Non obstante, cando os mencionados sistemas non cubran a totalidade dos danos producidos, as axudas previstas nesta orde concederanse con carácter complementario e serán compatibles en concorrencia con outras subvencións, indemnizacións, axudas, ingresos ou recursos procedentes de sistemas públicos ou privados, estatais ou internacionais, ata o límite do valor do dano producido.
Prazo dun mes
As solicitudes presentaranse no prazo dun mes a contar desde o día seguinte ao da publicación no DOGA desta axuda, polo tanto, ata o día 9 de marzo de 2011. As solicitudes presentaranse nos rexistros da Xunta, portelos únicos municipais ou a través de correo administrativo.
COMPROMISO DO GOBERNO FEIJOO
Solventados os danos que o temporal provocou nas infraestruturas marítimas, a nova liña de axudas reflicte –en opinión de Jose Manuel Balseiro- o compromiso de colaboración do Goberno galego cos profesionais do mundo do mar e a súa total disposición para axudar a compensar uns danos nas embarcacións e aparellos de uso diario no seu traballo provocados por un temporal de dimensións extraordinarias.
O voceiro popular insiste en que desde o primeiro momento a Consellería do Mar actuou en apoio dos concellos afectados. Segundo as estimacións oficiais só entre Ribadeo e Mugardos os danos sobre as infraestruturas marítimas ascenderon a máis de 3,4 millóns de euros
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
