Nota de prensa
O BNG de Foz acusa ao alcalde de gastar 264.618 € en 2010 sen ter asignación orzamentaria
Os informes de intervención volven a constatar que “o alcalde vulnera a lei nas contratacións que fai o Concello”
Basanta esixirá no Pleno que se depuren as responsabilidades administrativas ou penais destas actuacións á marxe da lei
Es posible que tu navegador no permita visualizar esta imagen.
Foz a 24 de febreiro de 2011.- O BNG de Foz volve a criticar a nefasta xestión municipal do goberno municipal na que o alcalde e o grupo de goberno gasta máis do que o Concello pode e do que eles mesmos tiñan orzamentado no 2010. O alcalde presenta para este pleno un novo Recoñecemento Extraxudicial de Crédito por importe de 288.883,22 correspondentes a gastos de exercicios anteriores pero onde a maioría deles (264.618 €) están realizados sen a conseguinte asignación orzamentaria, vulnerando como ten feito noutras ocasións o disposto no artigo 173.5 do Texto Refundido da Lei de Facendas Locais onde di claramente que “non poderán adquirirse compromisos de gastos por contía superior ao importe dos créditos autorizados nos estados de gastos, sendo nulos de pleno dereito os acordos, resolucións e actos administrativos que infrinxan a expresada norma, sen prexuízo das responsabilidade a que haxa lugar”.
Non é a primeira vez que o alcalde adquire compromisos de gasto sen ter cartos nas correspondentes partidas orzamentarias e o BNG xa o ten advertido de que existe pola súa parte unha grave actuación irresponsable ao non controlar o gasto e estar saqueando as arcas municipais. Ademais isto faise co agravante de que moitas das facturas que forman o mencionado recoñecemento extraxudicial non cumpren cos requisitos legais establecidos nin seguen os procedementos administrativos que a lei dictamina, situación que tampouco é nada novo con este grupo de goberno. Así mesmo, non se segue a orde de prelación de pagos legal polo que o alcalde págalle a quen quer e cando quer, como ten advertido os servizos de Intervención en numerosas ocasións.
Dentro destas irregularidades as máis graves son as que teñen que ver coas contratacións de servizos, vulnerando os principios de publicidade, concorrencia e obxectividade (o que comunmente se coñece por “contratación a dedo”). Neste caso chama a atención as contratacións de orquestras nas Festas de San Lourenzo de 2010, contratacións que levou unha empresa intermediaria cun fraccionamento recollido en diversas facturas que totalizaban 38.232 euros cando por lei non podía facturar por máis de 18.000 euros ao ser adxudicación directa e eludindo así os requisitos de publicidade ou os relativos ao procedemento de adxudicación que correspondía (a través dun concurso público ou no peor dos casos cun procedemento negociado sen publicidade). E chama a atención porque en numerosas ocasións o alcalde ten presumido de que os sistemas de contratación do actual grupo de goberno eran impecables.
O BNG volve a reiterar a total desaprobación á política de gasto do actual alcalde e do seu grupo de goberno e o desacato continuado da lei tanto na aprobación de gastos como nas contratacións. Basanta acusa ao actual alcalde de “estar arruinando ao Concello con fins exclusivamente electorais e sen ter en conta que os cartos que el malgasta son de todos os veciños” e solicítalle “que avale el co seu patrimonio o crédito bancario que pediu aos bancos para pagar as débedas do Concello se ao final non hai cartos”.
Ao mesmo tempo que o Grupo Municipal do BNG demandará por enésima vez un maior control do gasto nas distintas áreas do goberno municipal, esixirá no Pleno que se depure a posible responsabilidade patrimonial do alcalde e do grupo de goberno nas súas actuacións en materia de contratación administrativa segundo determina a lei. Porque non é de recibo que paguemos todos a irresponsabilidade duns poucos que malgobernan os nosos cartos. Basanta declara que “se é responsabilidade duns poucos gastar por riba das posibilidades que ten o Concello, deben ser eles quen paguen e non todos os cidadáns”.
Con este xesto, o Concello quere expresar o seu máis fondo pesar e trasladar toda a súa solidariedade e apoio ás familias das vítimas, ás persoas afectadas e a toda a veciñanza, compartindo a dor por esta inmensa traxedia.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
Unha actividade marcada polo deporte, o compañeirismo e o bo ambiente. Na categoría Sub-12, os equipos gañadores foron Xove Fútbol Praia, Viveiro Celtic e Sanci FC; en Sub-15, Cachupa, Wachines e Encueradores; en Sub-17, Hamburguesas FC, EnlaDepor e Wachines; e na categoría Sénior, Hamburguesas, La Org e Motototo. As medallas foron entregadas pola alcaldesa de Cervo, Dolores García Caramés, quen felicitou os equipos e agradeceu a participación das persoas inscritas, das familias, do público e dos colaboradores, destacando que fixeron posible unhas noites de fútbol praia inesquecibles. A programación deportiva continuará a semana do 20 de xullo coa celebración do torneo de Fútbol 3x3.
O músico ofrecerá un repaso polos clásicos de Dire Straits, Eric Clapton, Pink Floyd, Lou Reed, Bruce Springsteen, Bob Dylan, Joaquín Sabina e moitos máis, nunha xornada dedicada á música e á historia do local. Esta será a primeira das actividades que se irán anunciando con motivo do 25 aniversario, cunha cita marcada para o 12 de xullo, no propio Rincón de Mondoñedo.
Con ela pechouse a celebración das festas de Santa Isabel que, un ano máis, foi todo un éxito.
As persoas interesadas poderán presentar a súa solicitude ao longo desta semana nas oficinas municipais do Concello de Trabada. O alcalde de Trabada, Rubén García, explica que “desde o Concello queremos dar a máxima difusión a esta convocatoria para que todas as persoas interesadas poidan presentar a súa solicitude e formar parte desta bolsa de emprego”. Desde o Concello animan a todas as persoas interesadas a presentar a súa solicitude dentro do prazo establecido, co obxectivo de garantir a correcta cobertura deste servizo municipal durante o período vacacional.
Puxo en valor a importancia deste tipo de eventos para contribuír á preservación dos traballos gandeiros tradicionais. Cómpre salientar que esta festividade está recoñecida como Festa de Interese Turístico de Galicia. Ademais, nesta ocasión, a conselleira foi nomeada Monteira Maior, unha distinción honorífica outorgada pola Comunidade de Montes de Buio e Lerín, organizadora do evento, ás persoas que colaboraron con eles ou os apoiaron. Gómez trasladou o seu agradecemento por esta mención e reafirmou o seu compromiso co sector agrogandeiro, un piar fundamental para o desenvolvemento do noso rural.
