POR FAVOR: UN RESPECTO
Esgotada a capacidade de asombro ante as cousas dos políticos que merodean por aquí, a sociedade non asimila que os mesmos, veciños e máis ou menos amigos, se apresten a representar o papel da incoherencia e o dislate que teñen por destinatarias esas mesmas persoas. As constantes contradicións; os súpetos cambios de opinión; a permanente avenencia a intereses alleos ós da cidadanía, que din defender; os que se deitan cuns e se erguen con outros, nunha práctica de detestable promiscuidade, etc. dá lugar a tal confusión que produce a sensación de vivir nun país que nada ten que ver co que os dirixentes, aínda estes de tan baixos niveis, se empeñan en pintarnos. A demagoxia e a falsidade dos argumentos, esgrimidos para xustificar comportamentos opostos a toda ética, que agreden a suposta dignidade persoal dos actores, non é o mellor camiño para gañar o prestixio e a credibilidade da veciñanza; a astucia e falta de consideración ás persoas revelan a falta de personalidade e de respecto ós veciños, como alguén dignamente apuntou; actitude que aldraxa a representación que ostentan ou que pretenden ostentar. Hai moito tempo que os focegos padecemos tan noxenta forma de facer política; un xeito que á volta dos anos adquiriu carta de natureza e fainos aparecer nos distintos foros como líderes da camándula. O vello amigo Javier Rivera, bo coñecedor do terreo e do percal, publicou recentemente senllos comentarios que titulou: “Foz, el sueño roto de la Marbella del norte” e “Como siempre en Hollyfoz”, que reflicten de xeito ponderado e cabal tanta bazofia : a historia (triste) das secuelas urbanísticas e, polo tanto, sociais, xeneradas en tempos que a caixa do concello rebosaba, e tamén a situación política actual, vergoñenta para aqueles que pensan en liberdade. Que os políticos locais non senten a Foz (por moito que demagóxicamente digan o contrario) déixano ver nas actitudes ofensivas, vexatorias, para vergoña de propios e achegados. Ogallá os políticos, actuais e futuros, gobernantes ou non, sexan quen de respectar o pobo e os sentimentos das xentes. Dos precedentes coñecemos a historia…
Suso Fernández
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
