Foz, 30 de outubro de 2013. O goberno municipal focense apoia a alegación ao trazado do Camiño de Santiago que presentará a asociación Abrindo Camiño para que se inclúa a variante marítima que pasa pola costa de Ribadeo, Foz e Barreiros e pola basílica de San Martiño. O alcalde focense, Javier Jorge Castiñeira, anunciou hoxe que este asunto tratarase no pleno da corporación que se celebrará este xoves.
O rexedor municipal explicou que “o grupo de goberno de Foz, despois de estar reunido cos responsables da asociación Abrindo Camiño, da Acia de Foz e con historiadores, vai levar ao pleno unha moción que apoie a alegación que vai presentar a asociación Abrindo Camiño para que dentro do trazado do Camiño Norte de Santiago se inclúa a variante marítima, que levamos anos defendendo. Viría pola costa e uniría todas as praias de Ribadeo, de Foz e de Barreiros, pasaría pola basílica de San Martiño e despois iría por Alfoz ata Mondoñedo. Con este itinerario uniríanse tres focos importantes turísticos, culturais e históricos da Mariña, as tres catedrais máis importantes da Mariña, que son: a praia das Catedrais, que é o punto da comarca máis visitado; a basílica de San Martiño de Mondoñedo, que é a catedral máis antiga de España; e por suposto a catedral de Mondoñedo”.
Javier Castiñeira considera que “sería unha variante importante que debe terse en conta por parte da Dirección Xeral de Patrimonio, da Xunta de Galicia, e polo tanto vamos dar ese apoio aos compañeiros de Abrindo Camiño, que levan moitos anos traballando nesta variante. Cremos que aportaría moitísimo ao Camiño de Santiago, non só polos nosos paraxes preciosos por toda a parte costeira e a zona interior senón que tamén aportaría valor histórico, patrimonio, turismo e un número de xente importante”.
E o alcalde focense rematou explicando que “nós vamos estar aí, porque cremos que esta variante é importante para A Mariña e tamén para o Camiño de Santiago. En definitiva, non entendemos que se poida deixar fóra unha das xoias históricas máis grandes que ten A Mariña, como é a basílica de San Martiño de Mondoñedo, que dos séculos X ao XII foi hospital de peregrinos, hai documentos que constatan o paso de peregrinos nesas datas, estamos a falar de hai máis de mil anos. Creo que iso é un argumento suficiente para que a basílica de San Martiño e esta variante marítima teña acollida no Camiño Norte que propoña a Xunta de Galicia”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
