Ribadeo, 28 de outubro de 2013. Un cento de persoas saíu á rúa na tarde deste luns en Ribadeo para amosar o seu malestar ante os continuos cortes no fluído eléctrico que sofre o concello. A concentración foi convocada por ACISA en protesta polos cortes de luz e para demandar un servizo eléctrico digno e contou co apoio de varios colectivos veciñais e representantes de formacións políticas coma o BNG, o PP e o PSOE.
A xerente de ACISA, Beatriz Irigoyen, foi a encargada de dar lectura ao manifesto: “os comerciantes, hostaleiros e outros empresarios non somos os únicos prexudicados polos continuos cortes que sofre o subministro eléctrico en Ribadeo, tamén o sodes todos os veciños e as veciñas do noso concello. Nós (comerciantes, hostaleiros e empresarios) sufrimos perdas, unhas veces son maiores e outras de menor importancia, pero sempre resultamos prexudicados. Pero tamén vós cando estades nun bar ou nun restaurante e non podedes tomar algo, comer ou cear en condicións; tamén o sodes cando ides a unha tenda e queredes pagar con tarxeta e non pode ser; tamén o sodes nun centro médico cando non se pode practicar unha proba e tamén o sodes nas vosas casas porque non podedes cociñar, non vos podedes duchar, etc, etc… Sen esquecernos deses pequenos cortes e subidas e baixadas de tensión que ocasionan desperfectos nos aparatos eléctricos que temos nas nosas casas e nos nosos negocios. Como sabedes son moitas as cousas que se deixan de facer cando un non ten luz”.
No comunicado a directiva de ACISA sinalou que “todos consumimos luz e todos a pagamos, segundo lle interesa á empresa e aos políticos de turno, pagamos por lecturas reais, por lecturas estimadas, pagamos polo consumo dun mes, polo consumo de dous… facemos o que queren e cando queren e non temos moitas opcións de cambiar estas formas de operar. Cada vez que se produce unha incidencia deste tipo en ACISA recibimos chamadas de asociados e incluso de veciños anónimos para queixarse desta situación. E sempre tentamos ser comprensivos coa empresa subministradora, pero chega un momento no que xa hai que plantexarse outras cousas. Vale que se produza un corte de luz cunha tormenta, cunha cicloxénese explosiva, cando se fai unha tarefa de mantemento, pero isto non pode ser a norma xeral un día si e outro tamén. Por iso estamos aquí hoxe”.
Unha mesa para recoller firmas estivo instalada no lugar no que se celebrou a concentración, nas inmediacións da praza de abastos, para respaldar a carta que ACISA lle fará chegar á Consellería de Industria. Ao longo desta semana haberá posibilidade de asinar en diversos establecementos comerciantes da vila. Beatriz Irigoyen no nome da Asociación de Comerciantes, Industriais, Servizos e Autónomos de Ribadeo dixo: “queremos pedirvos que apoiedes coas vosas sinaturas a petición que imos facerlle á Consellería de Industria. O que queremos en liñas xerais é que vele polo cumprimento do servizo que temos contratado. En Ribadeo temos os mesmos dereitos que o resto dos cidadáns doutros concellos da Mariña nos que non se dan estas situacións. Si hai que mellorar as instalacións, as liñas ou o que sexa preciso que se melloren dunha vez por todas, pero basta xa de desculpas e de cortes no subministro eléctrico”.
E rematou dando as grazas aos asistentes: “aos asociados e asociadas, aos veciños e ás veciñas de Ribadeo, aos colectivos que nos deron o seu apoio desde o primeiro momento, a todos os que dun xeito ou doutro hoxe queredes denunciar esta situación. Queremos un servizo eléctrico digno e acorde co que pagamos e non queremos máis cortes de luz en Ribadeo, porque senón seguiremos nesta loita”.
Á concentración asistiron o alcalde de Ribadeo, Fernando Suárez, varios concelleiros, representantes de varias formacións políticas locais, así coma responsables de organizacións veciñais, hostaleiros e comerciantes. Tamén acudiu o presidente da plataforma de afectados polos abusos do mercado eléctrico na Mariña, José Luis Moñita.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
