O CD Burela FS Pescados Rubén visitou esta semana os centros de educación primaria de Nois e Trabada para difundir e promover a práctica do fútbol sala entre o seu alumnado.
O luns pasado, David ‘Burrito’, o porteiro Brais, Bea Mateos e o director da ED Burela FS, Alfonso Mera, achegáronse ao CEIP Fondo Nois de Foz, onde gozaron de exercicios e xogos co balón xunto ao alumnado de 3º e 4º. Onte, o destino para a filosofía laranxa encamiñouse ao CEIP Celso Currás de Trabada, coa presenza do pichichi burelista, Matamoros, Hugo e a gardameta Patri, xunto aos monitores da base laranxa Christian Fustes e Mario Pillado, que foron gratamente recibidos polos rapaces/as do centro; todo o alumnado, entre 1º e 6º, tivo a oportunidade de plantarse ante os xogadores burelistas para intentar soprender a Patri baixo os paus.
Alfoz, Lourenzá, Cervo, Foz e Covas serán algúns dos destinos da familia burelista nas próximas semanas, dentro do seu programa de difusión da práctica deportiva saudable e en igualdade entre a xuventude da Mariña; os destinatarios das visitas poden escoller ademais invitacións para presenciar algún partido de Primeira División en Vista Alegre ata finais de tempada. Nesta edición, a iniciativa laranxa arrincou a semana pasada, compartindo moitos dos segredos do fútbol sala co estudantado do CEIP Número 1 de Cervo, en San Cibrao.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
