Ferrol/Viveiro, 16 de maio de 2019. O secretario xeral do PSdeG, Gonzalo Caballero, arrancou esta xornada de campaña cunha visita a Ferrol en compañía da vicesecretaria xeral do PSOE e voceira no Congreso dos Deputados, Adriana Lastra, para arroupar a Ángel Mato.
“As enquisas dan ben, pero ninguén pode quedar na casa”, chamou así á “mobilización masiva” de toda a cidadanía que “quere ver progresar os seus concellos”. Sobre todo, como dixo Gonzalo Caballero, porque “a dereita está intentando facer destas eleccións unha segunda volta das xerais”.
Así, o líder do PSdeG advertiu de que “a dereita quere acadar nas municipais o que non foi quen nas xerais”, o que explica que un Feijóo que está “moi nervioso” dende que perdeu estea agora “tentando confundir” á cidadanía.
“Feijóo ten que explicar por que apoiou o pacto da dereita coa ultradereita en Andalucía”, sinalou Gonzalo Caballero, para reivindicar que “a estabilidade, a sensibilidade e a prioridade social dos gobernos en Galicia a representan os alcaldes e alcaldesas socialistas” fronte a un PP que “só ofrece incapacidade”.
Aludiu así o máximo dirixente do PSdeG á situación vivida neste mandato na única cidade galega na que o PP conseguiu a alcaldía, Ourense, onde nin sequera se aprobaron uns orzamentos en catro anos. “Incapacidade, inestabilidade e risco de involución”, remachou.
FERROL
É por iso que pediu que todos os votantes progresistas acudan ás urnas o vindeiro día 26 e que, no caso de concellos nos que concorren moitas candidaturas, como en Ferrol, a cidadanía teña en conta que “só hai dúas opcións”.
“Ou un alcalde da dereita reaccionaria ao que Feijóo quere colocar para facer unha fronte contra o goberno de Pedro Sánchez ou un alcalde socialista que liderará unha maioría de progreso: Ángel Mato”, resumiu Gonzalo Caballero.
A continuación, o propio candidato socialista á alcaldía de Ferrol, sinalou o desemprego e a despoboación como principais problemas da súa cidade e destacou que foi “o goberno socialista de Pedro Sánchez” o que deu “a mellor noticia económica da democracia” nesta bisbarra.
A inversión de máis de 4.300 millóns de euros en Navantia-Ferrol para construír cinco fragatas para a Armada supón, como recalcou Ángel Mato, unha década de carga de traballo para 7.000 persoas. Todo iso, valorou, unido ao forte compoñente social dun goberno que apoiou a xubilados e desempregados fronte aos recortes do PP.
“ADVERSARIO: LA DESMOVILIZACIÓN”
A renglón seguido, a vicesecretaria xeral do PSOE e voceira dos socialistas no Congreso sinalou que “la desmovilización y la abstención” son “adversarios” da cidadanía progresista, posto que “si la derecha suma, la derecha gobierna” e iso impedirá “seguir crecendo entre todos e todas y redistribuir la riqueza”.
“Hay varios partidos de la derecha, pero el día 27 no van a tener ningún problema en sumar para gobernar”, apuntou a dirixente socialista, quen pediu a toda a cidadanía que “vote” nos comicios locais e europeos.
E, no caso concreto de Ferrol, Adriana Lastra destacou “la capacidad, el rigor y la seriedad” que caracterizan a Ángel Mato, ao tempo que asegurou que é a persona axeitada para “dar á cidade o impulso que necesita” tras dúas lexislaturas nas que o goberno de Mariano Rajoy a mantivo “paralizada”.
VIVEIRO
Xa en Viveiro, Álvaro Santos, secretario provincial do PSOE, abriu o acto poñendo en valor a labor de María Loureiro, posto que amosou como “a pesares de ter recibido a peor herdanza, pódese xerar prosperidade”.
De feito, cualificou a súa xestión como “responsable e adecuada” no económico pero “se renunciar a máis e mellores servizos nin a impulsar novas inversións”.
Ademais, o presidente da Deputación de Lugo, Darío Campos, puxo o foco nos problemas de envellecemento e de perda de poboación que sofre a provincia, nos que Feijóo “non fixo nada” pese a que prometeu que esta sería “a lexislatura do rural”.
Tampouco actuou, relatou o tamén alcalde da Pontenova, en materia de servizos para maiores ou na apertura de residencias, que está impulsando a Deputación que preside.
Pola súa banda, despois de que tanto Gonzalo Caballero como Adriana Lastra sinalaran que María Loureiro é “unha magnífica alcaldesa” e chamaran a aumentar o seu respaldo o vindeiro día 26, foi ela mesma a que comprometeu traballo “para que gañe e progrese Viveiro”.
A maiores, María Loureiro destacou que “o 26 de maio xogámonos dous Viveiros”. “O Viveiro de antes, dos amiguismos, do caciquismo, onde o concello está por riba e os veciños abaixo; fronte a un Viveiro onde o equipo de goberno é un veciño máis porque non lle debe nada a ninguén e só pensa en atender as súas demandas”, concluíu.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
