31 de maio de 2019. O BNG de Foz expresa a súa indignación e incomprensión diante da nova actuación do PP no Parlamento de Galiza. O pasado 4 de maio a deputada do BNG por Lugo Olalla Rodil visitou Foz para coñecer ao detalle as reivindicacións do Técnicos de Emerxencias Sanitarias (TES) e comprometera a elaboración dunha batería de interpelacións diante da Xunta.
Cumprindo co acordado e só retrasado pola burocracia parlamentar, o BNG presentou o 28 de maio no parlamento de Compostela unha proposición non de lei para modificar os criterios de valoración do concurso do servizo de transporte sanitario urxente, para que se dera máis relevancia ás melloras en material e persoal en lugar de dar maior puntuación aos criterios económicos. Foi rexeitada polo PP.
Ese mesmo 28 de maio a Comunidade de Madrid, nada sospeitosa para os nosos xestores, decide incrementar o número de ambulancias cun técnico adicional, e dicir dous efectivos por vehículo para o transporte sanitario urxente, revertendo a decisión de hai anos de quedar cun so, despois de acreditar, como todo o mundo xa sabía que a asistencia é mellor con catro traballadores por vehículo. O SUMMA 112 incrementa os vehículos equipados con dotación dobre de TES. O SERGAS inicia a redución a un, e escolle A Mariña para o experimento.
O PP contra toda lóxica e evidencia, continúa unha xeira de desmantelamento que iniciou coa aniquilación da Area sanitaria propia da Mariña, e ven desenvolvendo con precisión milimétrica unha folla de ruta que bloquea e sobrecarga até a extenuación aos profesionais de atención primaria. Nun novo alarde de aforro sen cabeza, desposúe de material básico ao Centro de Saúde de Foz.
Por riba, diante da recente denuncia de CIG-Saúde é capaz de negar o evidente cunha nota de prensa de nula credibilidade, na que indica que nada pasa. Mais os usuarios atopan o centro cos materiais funxibles baixo mínimos. É o resultado de deslocalizar o subministro deste material nunha plataforma loxística, que responde a máxima de aforro a toda costa e desvío de recursos a empresas privadas desta administración.
A mesma lóxica que fixo que o servizo de hemodinámica do HULA funcionara durante anos en horario de oficina e que rematou coas evidencias de exceso de mortalidade fronte aos estándares de outras areas. Pode alguén do PP explicar cunha mínima coherencia e argumentos técnicos por qué unicamente A Mariña queda cun só TES?, non, é imposible.
O malo será cando os dados amosen que fora un erro de consecuencias tráxicas e anos despois inicie como o SUMMA unha reconsideración. O BNG continuará reclamando a xestión directa e xusta en Area propia, con dotación adecuada de persoal e material nos servizos sanitarios da Mariña.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
