Este pasado mes de xuño celebrouse o Pleno de Organización do Concello de Xove. O Goberno continuísta saído das urnas deunos a coñecer un aumento das persoas que van cobrar do erario público municipal, medrando de catro a cinco as liberacións políticas. Dúas destas dedicacións son totais (parécenos ben) e as outras tres serán parciais (parécenos mal). Voume explicar: tanto nos ten en quen recaia tanta liberación, pero no Grupo Municipal Nacionalista entendemos que dúas dedicacións totais son suficientes para rexer os destinos dunha poboación de tres mil habitantes. Así e todo, non houbo negociación posible e o PP impuxo a súa maioría absoluta: sete contra catro.
Segundo aclaran dende a alcaldía, ao parecer non se vai gastar máis. Disque incluso “van aforrar” (sic). Aínda que a realidade semella outra ben diferente. As dedicacións parciais tripartitas custarán o mesmo que na pasada lexislatura, certo, pero o salario do alcalde increméntase por arte de maxia en dous mil euros ao ano. Polo tanto, resulta obvio que as liberacións políticas van supoñer máis gasto debido a esta autoimposición do soldo máximo que permite a lei para o primeiro edil da corporación. Xa sabedes que quen parte e reparte… Aínda así, o que nos deberiamos preguntar é se esta suba redundará nunha mellor acción de goberno. Nós estamos convencidos de que non.
De onde sacan logo os do PP esa teima de que “van aforrar”? Pois a resposta é ben sinxela: como todas as comenencias non collen nun saco, as mentes escuras dos populares pensaron que sempre será mellor amolar aos do Bloque e, de paso, enganar a opinión pública. O Goberno local decidiu rebaixar as asignacións dos grupos políticos que conformamos o Pleno para evitar que se faga política en Xove. Simplemente queren erradicar calquera tipo de oposición. Buscan mansedume e por iso nos recortan o financiamento. Éche a política farisea dos que non cren na democracia.
Finalmente a subvención pública mensual ao Grupo Municipal Nacionalista reducirase nun 40%, algo que endexamais se expuxo polo PP nos momentos máis duros da crise económica. Iso si, tampouco se viron nunca tan ameazados por un equipo con vocación de goberno como o noso. E toda esta perrencha do PP de Xove, a que vén? Pois vén porque a eles aféctalles moi pouco esta medida, xa que é sabido que a labor política do Grupo Municipal Popular adoita facerse dende a alcaldía. O malo é que para nós eses cartos son necesarios para editar o Aguillón, organizar reunións veciñais, mercar material ou facer esas charlas informativas que tanto se agradecen. Para facer oposición, en definitiva.
Temos claro que dende o Goberno local quérennos meter paus nas rodas no canto de poñerse eles a traballar. Quérennos arrinconar e castigarnos. Quérennos calados e sen iniciativa. Quérennos mansos para poderen facer e desfacer ao seu antollo. Pero vailles saír furada, porque aínda con poucos recursos, temos a ilusión intacta e somos xente creativa. Somos xente con boas ideas, así que vádevos preparando. Esta lexislatura non fixo máis ca comezar e temos pensado continuar alzando a voz na defensa do pobo de Xove todas as veces que sexa necesario. Así o decidiu o electorado e así vai ser. Catro contra sete.
Carlos Fernández Louzao. Concelleiro de BNG Xove.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
