Cervo, 2 de xullo de 2019.- O Concello de Cervo organizarase en torno ás mesmas dedicacións establecidas no anterior mandato.
Tal e como precisou Villares “a implicación e a dedicación plena e total por e para Cervo serán os trazos fundamentais que definirán ao novo Goberno, que estará centrado única e exclusivamente no noso municipio, en traballar os 365 días do ano para a veciñanza de Cervo, a quen nos debemos”. Queremos responder esa confianza que depositaron en nós os cervenses o pasado 26 de maio, -engadiu- “con máis traballo que nunca”.
A organización municipal, logo do pleno que se celebrará este xoves, quedará definida do seguinte xeito:
A coordinación das distintas delegacións será asumida polo alcalde, Alfonso Villares, que recibirá unha retribución anual de 42.000 euros brutos.
A delegación de Facenda, Educación, Cultura e Patrimonio e as específicas que sexan determinadas puntualmente pola Alcaldía, será asumida pola primeira tenente de alcalde, Dolores García Caramés cunha retribución anual de 19.599,96 euros brutos.
A delegación de Deportes, Turismo, Formación e Emprego e as específicas que sexan puntualmente determinadas pola Alcaldía, será asumida por David Rodríguez Pernas, que recibirá unha retribución anual de 18.200,04 euros brutos.
A delegación de Medio Ambiente, Obras e Infraestruturas, Sanidade e Policía Local, e as específicas que sexan determinadas pola Alcaldía, será asumida por Manuela Méndez Álvarez, que recibirá 13.089,96 euros brutos ao ano.
Todas elas serán dedicacións parciais porque así o marca a lei, pero só sobre o papel porque a dedicación do equipo de Goberno será en realidade e na práctica de exclusividade total co Concello de Cervo.
Ademais, o Concello volverá integrar a un traballador eventual que desenvolverá tarefas de comunicación e información no eido local para dotar dunha maior transparencia, proxección e visibilidade ao municipio en todo o relativo ao tecido social, cultural, económico, deportivo ou patrimonial. Este equipo de goberno considera que “cada vez é máis importante o mundo da información e a aplicación das novas tecnoloxías para a consecución dunha sociedade moderna e avanzada, polo que se trata dunha área estratéxica e de servizo para a veciñanza que recibirá regularmente información do seu interese, ao verse reforzada tamén a presenza de Cervo nas redes sociais e ao intensificar o servizo da páxina web municipal”. A retribución será de 18.200 euros brutos ao ano.
Tal e como xa avanzou Villares días atrás a delegación de Réxime Interior, Zona Rural e Protección Civil, e as específicas que sexan determinadas puntualmente pola Alcaldía, será asumida polo concelleiro Alfredo Antonio Fernández Casas; a delegación de Xuventude e Ecoloxía, e as específicas que sexan determinadas puntualmente pola Alcaldía corresponderalle á concelleira Denise Galán López; e a delegación de Servizos Sociais e Igualdade e as específicas que sexan determinadas puntualmente pola Alcaldía será asumida pola concelleira Mª Concepción Pilar Armada Carrete.
Villares: “A implicación e a dedicación plena para Cervo son os trazos que definen ao novo goberno municipal”
Relacionado
-
Cariño reforza a conciliación familiar cunha ampla oferta de actividades deportivas e culturais para o verán
-
O BNG de Viveiro presenta 32 alegacións e reclama manter a variante integrada na VAC Costa Norte
-
A Deputación reforza a seguridade viaria en Cervo coa limpeza de cunetas en cinco estradas provinciais
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
