Ribadeo, 22 de agosto de 2019. A oitava edición do Fórum de Innovación e Formación sobre vehículos, organizado pola Asociación de Profesores de Automoción de Galicia (APAGA), celebrarase en Ribadeo dos días 27 ao 30 de agosto. Será por primeira vez no Centro de Formación e Experimentación Agroforestal Pedro Murias.
Este Fórum, homologado pola Consellería de Educación, Universidade e Formación Profesional, está destinado a profesores de Transportes e Mantemento de Vehículos, profesionais do sector do automóbil, alumnos de Formación Profesional e universitarios, ademais de a afeccionados do mundo do motor.
Entre os obxectivos da actividade figuran “establecer un punto de encontro entre o profesorado da familia profesional de Transportes e Mantemento de Vehículos; coñecer as últimas tecnoloxías que se están aplicando aos vehículos; realizar talleres de climatización, soldadura, caixas de cambio DSG, apertura de vehículos e impresión 3D; integrar aos traballadores en activo nos procesos de formación ao longo da súa vida laboral; a avaliación e difusión das accións europeas realizadas en 2019 por APAGA; e dar a coñecer ao sector empresarial a Formación Profesional en Italia”, segundo explicou o presidente da Asociación de Profesores de Automoción de Galicia, Álvaro Doural.
Ao Fórum asistirán 85 participantes procedentes das catro provincias galegas, de Asturias, León, Zamora, Madrid, Toledo, Pamplona e tamén de Portugal. Terá unha duración de 37 horas e desenvolverase no Centro Pedro Murias.
No programa abordaranse temas como a dirección en vehículos con asistencia á condución, as nocións e fundamentos do lubricantes para motor, a organización de talleres, as últimas novidades en transmisións ou a propulsión híbrida eléctrica.
O 29 de agosto, ás 19:30 horas, celebrarase asemblea xeral de APAGA, e o 30 ás 17:00 horas, terá lugar a presentación da película Eduardo Barreiros, o Henry Ford español, dirixida por Simón Casal de Miguel e protagonizada por Manuel Regueiro, que estarán presentes no acto. Despois haberá unha mesa redonda na que participarán enxeñeiros da factoría Barreiros. Deste xeito APAGA pretende render homenaxe ao empresario galego neste VIII Fórum de Innovación e Formación sobre Vehículos, que foi presentado esta tarde nas instalacións do hotel O Cabazo. Ao acto asistiron o subdelegada territorial da Xunta en Lugo, Marta Barreiro, o responsable da Área de Promoción Económica e Social da Deputación de Lugo, Pablo Rivera, o presidente da Mancomunidade de Municipios da Mariña, Alfredo Llano, e a alcaldesa en funcións de Ribadeo, Mariluz Álvarez.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
