Lugo, 19 de maio de 2019.- A subdelegada do Goberno, Isabel Rodríguez, presentou hoxe unha campaña de vixilancia e control de distraccións ao volante, que desenvolverá a semana que vén nas estradas da provincia de Lugo a Dirección Xeral de Tráfico coa colaboración da Garda Civil de Tráfico. A subdelegada estivo acompañada na presentación, que tivo lugar esta mañá en Lugo, na glorieta da Campiña, polo xefe provincial de Tráfico, Ángel Álvarez, e polo xefe do subsector de Tráfico da Garda Civil, capitán José Miguel Martínez.
Isabel Rodríguez chamou a atención sobre o gran risco que supoñen hábitos como o uso do teléfono móbil e lembrou que desde o ano pasado morreron 13 persoas na provincia en accidentes nos que se produciron distraccións durante a conducción.
“Son 13 persoas mortas na provincia que seguirían con nós de non ser por distraccións, como a que supón o uso de teléfonos móbiles. Por elas estamos hoxe aquí, pedíndolle a condutores e peóns que tomen conciencia de que non se deben asumir riscos ao volante. O móbil é estupendo para pedir axuda no caso dunha emerxencia, pero usar o móbil mentres se conduce un vehículo ou se cruza unha rúa é un auténtico perigo”, manifestou a subdelegada.
Rodríguez explicou que a nivel nacional, as distintas formas de distracción interviñeron como factor concorrente nun 32% dos accidentes mortais durante 2018. Na provincia de Lugo, esta porcentaxe foi maior, elevouse a case o 45% no caso dos accidentes mortais e ao 27% dos accidentes con vítimas.
Indicou tamén que a campaña ponse en marcha precisamente nestas datas porque o ano pasado setembro e outubro foron os meses máis tráxicos nas estradas da provincia, con 8 accidentes mortais nos que faleceron 9 persoas. En 5 deses accidentes interveu a distracción como factor concorrente.
No que vai de 2019, este factor interveu en máis da terceira parte dos accidentes mortais nas vías da provincia, nos que faleceron 4 persoas.
Pola súa parte, o xefe provincia de Tráfico advertiu de que a volta á normalidade e aos roteiros coñecidos non debe facer que nos confiemos. E remarcou que as distraccións non só afectan os condutores de turismos, senón de todos os vehículos, mesmo aos peóns xa que o uso do teléfono móbil polos peóns ao cruzar aumenta o risco de atropelo.
Ángel Álvarez considerou necesario o compromiso de todos os usuarios das vías públicas para que non se cobren máis vidas. E afirmou que a evidencia dispoñible indica que o uso do teléfono móbil durante a condución aumenta de forma significativa (entre tres e catro veces) o risco de colisión. Marcar un número de teléfono móbil, responder a unha chamada telefónica, ler ou contestar a un “ whatsapp”, manipular o navegador ou utilizar as redes sociais, supón apartar a vista e a atención da estrada durante un tempo, período no que o vehículo circula sen o noso control e poden xurdir circunstancias que provoquen un accidente grave, que probablemente fariamos evitado se puidésemos reaccionar a tempo.
O xefe provincial de Tráfico lembrou que varios estudos puxeron de relevo que, tras un minuto e medio de falar polo móbil, mesmo co sistema mans libres, o condutor non percibe o 40% dos sinais, a súa velocidade media baixa un 12%, o ritmo cardíaco acelérase bruscamente, durante a chamada, e tárdase máis en reaccionar. Por iso, indicou que é preferible parar nun lugar adecuado para atender as chamadas e as mensaxes, ou cambiar a música con seguridade e tomando o tempo necesario.
Asimesmo, Álvarez indicou que aínda que intervén na maioría das distraccións, o teléfono móbil non é a única causa; utilizar indebidamente o navegador, fumar ao volante, mirar un mapa, colocar incorrectamente obxectos no habitáculo que poidan caerse e haxa que recoller de súpeto… tamén provocan accidentes moi graves. Tamén hai que ter en conta que a somnolencia e a fatiga alteran a capacidade para prestar atención á contorna e reaccionar ante calquera imprevisto, polo que é aconsellable poñerse ao volante o máis descansados posible, así como parar nun lugar adecuado como máximo cada dúas horas de viaxe e sempre que o necesitemos.
A combinación do uso do móbil co cansazo ou a tensión e a velocidade excesiva ou inadecuada aumenta exponencialmente o risco de sufrir un accidente moi grave ou mortal.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
