Foz, 26 de setembro de 2019. A UNED-Aula Universitaria de Foz ten aberto ata o 23 de outubro o prazo de matrícula para o curso 2019-2020. Foi presentado polo alcalde, Fran Cajoto; o concelleiro de Cultura e Educación, Héctor Moris; e a coordinadora do centro, María Fuensanta Otero.
Héctor Moris destacou que “para este goberno a educación é un dos piares básicos de calquera sociedade, xa que sen coñecemento e cultura non pode avanzar e perde por completo a súa liberdade. Dentro de toda a oferta de ensino regrado superior destaca a UNED como elemento de universalización da educación xa que permite a formación daquelas persoas que debido ás súas circunstancias non poderían optar a ela nin rematar os seus estudos. Ofrece unha liberdade de horario xunto cunha ampla oferta formativa e así calquera persoa pode acceder a ela. Dentro da UNED compre destacar o labor da aula de Foz e de todo o seu equipo humano, capitaneado por Fuesanta Otero e Olalla Rodríguez, que fan que sexa moito máis próximo e a xente doutras comunidades e doutras partes do noso país se acerquen á nosa aula”.
Como novidade desde a UNED-Aula Universitaria de Foz poderase asistir a todas as materias de todas as titulacións ofertadas polo Centro Asociado da UNED de Lugo e póñense a disposición do alumnado os recursos que pode ofrecer calquera universidade presencial, pero con liberdade para conciliar a vida laboral e familiar coa mellora formativa que require a sociedade.
A coordinadora da UNED-Aula Universitaria de Foz, María Fuensanta Otero Beltrán, explica que “para facilitar o acceso aos estudos universitarios a UNED permite a matrícula de tan só unha única materia e ademais non existen notas de corte en ningún dos graos universitarios. É de destacar que a UNED concede becas, que se poden solicitar para poder realizar os estudos que se desexe; o prazo estará aberto ata o 15 de outubro e é improrrogable aínda que a solicitude de matrícula se realice en datas posteriores. Tamén hai axudas ao estudo e descontos, especialmente para persoas discapacitadas, ademais de bonificacións diversas. Outra das novidades é que se ofrecen bonificacións do 99% dos créditos aprobados en primeira matrícula, co cal se o alumno matriculado vai superando as materias só paga o 1% das seguintes”.
Fuensanta Otero engade que “este curso académico 2019/20 será o último no que se admitirán novos alumnos nos graos procedentes de Bacharelatos anteriores a 2017, co cal é a última oportunidade de realizar unha carreira universitaria tendo exclusivamente superado o BUP. Resaltar os graos combinados, 11 ofrece a UNED, co cal nesta modalidade de estudo obtéñense dúas titulacións de grao diferentes, cursando unha delas completa e, como máximo, a metade da segunda”.
Poderán inscribirse os estudantes na UNED-Aula Universitaria de Foz no curso de acceso para maiores de 25 e de 45 anos, no Centro Universitario de Idiomas Dixital e a Distancia da UNED (CUID), así como nos 28 graos que oferta a UNED.
Para máis información os interesados poden dirixirse á Secretaría da UNED-Aula Universitaria de Foz, situada no IES de Foz, chamar aos teléfonos 982.133.699/604.034.549 ou ben a través do correo electrónico foz@lugo.uned.es.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
