Cervo, 9 de setembro. O secretario xeral do PSdeG, Gonzalo Caballero, mantivo este luns unha nova xuntanza co comité de empresa de Alcoa en San Cibrao para trasladarlle “o compromiso claro de todos os socialistas co mantemento da actividade industrial e o emprego”.
“Hai que fortalecer o sector industrial para que non siga perdendo peso na economía galega”, sinalou Gonzalo Caballero, ao tempo que contrastou “o pulo á política industrial” do goberno de Pedro Sánchez coa “inacción” da Xunta de Feijóo.
“Feijóo utiliza a Xunta para a súa publicidade, pero os datos amosan o seu suspenso claro”, evidenciou o líder dos socialistas galegos, antes de recriminarlle que só fale de Alcoa para tentar “confrontar co goberno socialista”.
Ao fío diso, Gonzalo Caballero recordou como, tralo anuncio de peche definitivo das plantas de Alcoa na Coruña e Avilés, a ministra de Industria traballou ata acadar unha saída “mentres Feijóo dicía que non habería ningún inversor”. Hoxe, como apuntou, o emprego está garantido para os próximos dous anos.
No caso da factoría de San Cibrao, o máximo dirixente do PSdeG chamou a manter a atención ante a baixada na produción, toda vez que o mantemento do emprego é “unha cuestión prioritaria”. De feito, a ministra de Industria ten previsto visitar a planta antes de que remate este mes.
ESTATUTO ELECTROINTENSIVO
En paralelo, Gonzalo Caballero puxo en valor o traballo desenvolvido polo goberno para impulsar o estatuto das empresas electrointensivas e a decisión de duplicar as axudas ás emisións ata os 180 millóns de euros.
“Son dous mecanismos fundamentais”, destacou o secretario xeral, quen indicou que o estatuto non chegou a aprobarse debido á convocatoria de eleccións e engadiu que “o mellor que pode pasar” para que entre en vigor é que Pedro Sánchez sexa investido canto antes.
“IRRESPONSABILIDADE” DO PP
Tras destacar o traballo feito polo goberno socialista, Gonzalo Caballero censurou a “irresponsabilidade” de Feijóo, sen esquecerse de que os gobernos da dereita na Xunta e no Estado “non fixeron os deberes” coas industrias de grande consumo enerxético.
Do mesmo xeito, esixiu a Feijóo que “faga rectificar” ao delegado da Xunta en Lugo polas súas declaracións “irresponsables” ou que “sexa cesado inmediatamente”. “Que estean á altura”, reclamou, crítico con que a Xunta poña “paus nas rodas” mentres o goberno socialista “traballa e acada solucións”.
No encontro co comité de empresa de Alcoa en San Cibrao participaron tamén os alcaldes e alcaldesas de Viveiro, Burela, Foz, Trabada, Pontenova, Ourol e Alfoz, ademais do voceiro socialista en Cervo; a secretaria provincial do PSOE en Lugo, Patricia Otero; a deputada no Congreso Ana Prieto e o senador César Mogo.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
