Vigo, 3 de setembro de 2019-. O secretario xeral para o Deporte, José Ramón Lete Lasa, participou na mañá de hoxe na presentación da Semana Náutica ABANCA 2019 que bota andar esta fin de semana para botar o pano o vindeiro 9 de novembro e que contará coa participación de 3.000 deportistas. Nestes máis de dous meses de duración, celebraranse doce ciclos competitivos con cinco campionatos galegos (kayak mar, kayak pista, navegantes solitarios, vaurien e esquí náutico) financiados pola Xunta de Galicia a través das federacións deportivas das catro modalidades do evento: vela, remo, piragüismo e esquí náutico. A Xunta de Galicia, ademais, financia directamente a Semana Náutica cunha achega de 4.000 euros, o que representa un incremento do 33% con respecto a 2018 e do 166% con respecto a 2017.
Lete Lasa destacou que as federacións destes catro deportes en Galicia suman case 10.000 licenzas federativas e que neste último ano medraron o seu financiamento autonómico en máis dun 50% chegando a case un millón de euros. Ademais, no que respecta ao remo, a vela e ao piragüismo, “42 deportistas galegos defenderon a bandeira española nas Olimpíadas ao longo da historia acadando un total de 13 medallas, das 19 que temos en total”.
O secretario xeral destacou a Semana Abanca como un dos maiores eventos náuticos que ademais, axuda a desestacionalizar o turismo galego sendo considerado ‘Evento Estratéxico nº1 do Deporte de Galicia’. Nas súas verbas lembrou o apoio da Xunta desde o primeiro día a un evento que naceu no ano 2000 e que definiu como “o maior evento deportivo náutico de España que une os nosos deportes máis tradicionais cos nosos espazos máis prezados”.
Asemade, o secretario xeral entregou o título de comodoro da Semana Abanca á tudense Silvia Pequeño, campioa de España de esquí náutico (slalom), un nomeamento que tamén recibiron Iván Alonso, tres veces campión do mundo e cinco veces de Europa de piragüismo (maratón); Martin Wizner, dúas veces campión do mundo de vela e unha vez a nivel europeo (420); e Rodrigo Conde, campión do mundo de remo olímpico (2x).
Doce ciclos, cinco campionatos galegos da Xunta
O primeiro ciclo (7 de setembro) terá lugar na pista olívica da ETEA e acollerá o Campionato Galego Kayak de Mar – Xunta de Galicia.
O segundo ciclo (7-8 de setembro) terá lugar na pista de Barra de Miño e acollerá o Campionato Galego de Esquí Náutico – Xunta de Galicia.
O 14 e o 15 de setembro o campo de regatas da ría de Vigo acollerá os Clasificatorios 420-Láser, Campionato Galego de Vaurien – Xunta de Galicia no que será o terceiro ciclo da semana.
O cuarto ciclo desenvolverase o 21 de setembro na ETEA para disputar o Campionato Galego Kayak Pista.
O quinto, o 22 de setembro, será os Cruceiros, A2, Solitarios e J80 no campo de regatas da ría de Vigo.
O 5 e o 6 de outubro levarase a cabo o sexto ciclo no campo de regatas da baía da Coruña e será o Lexús Breogán de 420 – Regata Clasificatoria así como o Campionato Galego de Navegantes Solitarios e A2.
Do 11 ao 13 de outubro, o sétimo ciclo, realizarase a Copa de España J80 Lexus Breogán no campo de regatas da baía da Coruña.
O 19 de outubro será a quenda do ciclo 8 -Copa do Cantábrico de Bateis- no campo de regatas da ría de Viveiro.
A regata de cruceiros a3 WOR60 será o noveno ciclo os 20 de outubro no campo de regatas da ría da Coruña.
O décimo ciclo será o 26 e 27 de outubro no campo de regatas das rías de Sada, Ares e A Coruña que acollerá a Regata Terras Gauda de Cruceiros.
O 8 de novembro disputarase o Trofeo de Remoergómetro Escolar no Pavillón Municipal da Raña no que será o undécimo cilo e, por último, o duodécimo porá en xogo a Copa Galicia de Bateis que será o 9 de novembro no campo de regatas da ría de Pontevedra e Marín.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
